နှစ်ဟောင်းက မကောင်းတာတွေကို မေ့ပစ်လို့ ၊ နှစ်သစ်ကို ကြိုကြစို့

နှစ်ဟောင်းမေ့ ပွဲ

ဂျပန်လို “ဘိုးနမ်းကိုင်း ”（忘年会）လို့ခေါ်တဲ့ ပါတီပွဲပါ။ အင်္ဂလိပ်လိုကတော့ Year End Party、Forget Year Party တဲ့။ ဂျပန်ဘာသာကနေ တိုက်ရိုက်ဘာသာပြန်ရင်တော့ နှစ်ဟောင်းက မကောင်းတာတွေကို မေ့ပစ်တဲ့ပွဲပေါ့။ ခင်ရာမင်ရာသူငယ်ချင်းတွေ၊ သက်ဆိုင်ရာ အဖွဲ့ အစည်းတွေ၊ အလုပ်ဌာနရုံးတွေ၊ ကိုယ့်မိသားစုဝင်တွေ၊ နီးစပ်ရာစုပြီး လုပ်ကြတဲ့ ပါတီပွဲတစ်ခုဖြစ်ပါတယ်။ ဂျပန်လူမျိုးတွေရဲ့ ရိုးရာဓလေ့ အရကျင်းပတဲ့ ပွဲတစ်ပွဲ ပါ။ အားလုံးစုဝေးပြီး ဒီနှစ်မှာ ဘယ်လိုဒုက္ခတွေ၊ အန္တရာယ်တွေကိုတွေ့ကြုံခဲ့ရပေမယ့် အားလုံးရဲ့ မေတ္တာစေတနာနဲ့ နောက်ဆုံးဒီတစ်နှစ်ကို အောင်မြင်စွာဖြတ်သန်းလာနိုင်ခဲ့ပါတယ် ဆိုပြီး စုပေါင်း ကျေးဇူးတင်စကားပြောနှုတ်ဆက်ကြပါတယ်။ အမြဲတွေ့ နေကြ သူတွေထဲမှာလည်း ဒီလိုပွဲမျိုးလုပ်သလို ၊ ကျောင်းတုန်းကသူငယ်ချင်းတွေ။ လုပ်ဖေါ်ကိုင်ဘက်ဟောင်းတွေကလည်း ရောက်ရာအရပ်ကနေ အတတ်နိုင်ဆုံးစုဝေးဖြစ်အောင် ဆက်သွယ်ပြီး ဒီပွဲကို လုပ်ကြပါတယ်။ ပိုက်ဆံဝေပုံကြစုထဲ့ပြီး စားကြ၊ သောက်ကြ (မေ့ဘို့ပျောက်ဘို့ သောက်ရတာပေါ့)၊ ရီကြ၊ ပြောကြ၊ ဆိုကြ (သီချင်းဆိုကြ၊ ကာရာအိုကေဆက်သွားကြ)၊ တစ်ချို့ကလည်း ခရစ်ယန်မဟုတ်ပေမယ့် ခရစ်စမတ်လက်ဆောင်တွေကို တစ်ဦးစီအတွက် ကြိုတင်ဝယ်ပြီးပြင်ဆင်လာကြပါတယ်။

ဒီပွဲမှာ တစ်ယောက်တစ်လှည့်စီ စကားပြောကြတဲ့ အခါမှာ၊ ဒီနှစ်ထဲမှာ ဘာတွေဘယ်လိုဖြစ်ခဲ့တာ ဒါပေမယ့် အားလုံးရဲ့ ကျေးဇူးကြောင့် နောက်ဆုံးအခုလို နှစ်ကုန်တဲ့ အထိ ရုန်းကန်းနေနိုင်ခဲ့ရတာပါလို့ ပြောကြလေ့ရှိပါတယ်။ အခုလို ပြောတဲ့ အချိန်မှာ ပြောတဲ့ သူကော၊ နားထောင်တဲ့ သူတွေပါ ၊ တကယ်ကို လှိုက်လှိုက်လှဲလှဲနဲ့ ကြည်နူးကြပါတယ်။ အဲလိုပြောရင်း ၀မ်းနည်းဝမ်းသာနဲ့ ငိုသူကငို၊ မငိုချင်တဲ့သူက ဘီယာတွေ အရက်တွေ ဖိသောက်၊ ပြီးတော့မူး ၊ သီချင်းတွေဆို၊ ထက တဲ့ သူလည်းရှိပါတယ်။ တည်တည်ငြိမ်ငြိမ်နဲ့ နှုတ်ဆက်စကားပြော လှလှပပလေးသုံးဆောင်။ လက်ဆောင်ပစ္စည်း ထုပ် ကောင်းကောင်းလေးတွေ ဖလှယ်တဲ့ အုပ်စုလည်းရှိပါတယ်။ ပါဝင်တဲ့ သူတွေနဲ့ ဆက်ဆံတဲ့ပတ်ဝန်းကျင်ကိုလိုက်ပြီး ပါတီပွဲပုံစံကတော့ နည်းနည်းကွဲပါတယ်။

နှစ်ကုန်ပြီ၊ ဒီဇင်ဘာလ လလယ်ရောက်ပြီဆိုတာနဲ့ အပါတ်တိုင်းလိုလို အဲဒီပွဲ အစီအစဉ်က ရှိနေပါတယ်။ အလုပ်လုပ်တဲ့ အခန်းထဲက၊ ကုမ်မဏီတစ်ခုလုံးက၊ ကျောင်းတက်တဲ့ အခန်းကသူငယ်ချင်းအုပ်စုလိုက်က၊ ဆရာနဲ့ တပည့်များအုပ်စု။ မိသားစုလေးနဲ့ တစ်ဖုံ၊ အသီးသီး သူ့နေ့နဲ့သူ တိုက်ဆိုင်ရင်လည်း ဟိုပွဲနဲ့ ဒီပွဲကို ရှေ့ပိုင်းနောက်ပိုင်းခွပြီး တက်တဲ့သူတွေလည်းရှိပါတယ်။

ဒီဇင်ဘာလမှာ ရတဲ့ ဆုကြေးသာမရှိရင် အဲလိုပွဲတွေ တက်ဘို့ တော်တော်ခက်ပါတယ်။ မတက်လို့ကလည်း မဖြစ်ဘူးလေ၊ ဓလေ့ထုံးစံကိုး။ ဂျပန်လူမျိုးတွေကိုယ်တိုင်ကလည်း ပြောကြပါတယ်။ ပိုက်ဆံကုန်ပေမယ့် ဒီလို နှစ်ဟောင်းမေ့ပွဲ မှာ တဘက်သားရဲ့ကျေးဇူးကိုဖေါ်ထုတ်၊ ကိုယ့်ရဲ့ မကောင်းတဲ့ အတွေ့အကြုံတွေကို မေ့ပစ်ဘို့၊ အားလုံးနဲ့ တွေ့ဆုံရယ်မောနှုတ်ဆက်ပြီး နောင်လာမယ့် နှစ်သစ်အတွက် ခွန်အားစိတ်သစ်လူသစ်ကို ပြင်ဆင်ရမယ်တဲ့။

ရောမကိုရောက်ရင် ရောမလိုကျင့် ဆိုသလို ကျွန်မလည်း နှစ်ဟောင်းမေ့ပွဲပါတီ တွေကိုတက်ရတာ ခလေးတစ်ဘက်နဲ့ ဆိုတော့ ပြင်ရဆင်ရ ၀ယ်ရခြမ်းရ၊ နေ့စဉ်အလုပ်တွေကတဘက်နဲ့ ကသီလှပါတယ်။ ဒါပေမယ့် စိတ်အပြောင်းအလဲ ဖြစ်ရတာရယ်၊ အလုပ်များလှပြီး စီးပွါးပျက်ကပ်နဲ့ စိတ်ရောလူပါ ပင်ပမ်းခဲ့ရတဲ့ ဒီ၂၀၀၉ခုနှစ်ကိုလည်း လူ့ဘ၀ရဲ့ နှစ်တစ်နှစ်စီကို ဒီလို နှစ်ဟောင်းမေ့ပွဲ ပါတီများကို တက်ရောက်ရင်း နှစ်သစ်အတွက်လည်း အားအင်ဖြစ်ရပါတယ် ဆိုတဲ့အကြောင်း ကိုယ်တွေ့ ခံစားမှုကို တင်ပြလိုက်ပါတယ်။

တစ်ကယ်လို့များ နှစ်ဟောင်းမေ့ပွဲကို တက်ရောက်သူတစ်ယေက်ဆိုရင် ကျွန်မလို ပဲ ခံစားမှု ရှိမယ်လို့ထင်ပါတယ်။ အဲလိုမှမဟုတ်ဘူး ဒီလိုပွဲမျိုးမကြုံ ဖူးသေးဘူးဆိုရင် ခင်မင်ရာကို လက်တို့ပြီး တွေ့ဆုံကျင်းပကြည့်လိုက်ကြပါဦးနော်။

ဓါတ်ပုံများကူးယူရာနေရာhttp://image-search.yahoo.co.jp/search?ei=UTF-8&p=%E5%BF%98%E5%B9%B4%E4%BC%9A

Grass-eating boys

အသီးအရွက်စား အမျိုးသားများ

သူကတော့ အခုလူကြိုက်များနေတဲ့ တီဗီဇတ်လမ်းတွဲမှာ အသီးအရွက်စား အမျိုးသားအဖြစ်သရုပ်ဆောင်တဲ့ မင်းသား “ခိုအိကဲ အစ်ပေ့”ဖြစ်ပါတယ်။ သူကိုယ်တိုင်ကတော့ သူဟာ အသားစားအမျိုးသားလို့ ဆိုပါတယ်။

Grass-eating boys
ဂျပန်နိုင်ငံမှာပေါ်ပေါက်လာတဲ့ ဝေါဟာရဖြစ်ပါတယ်။ မူလဝေါဟာရများဖြစ်တဲ့ အသားစားသတ္တ၀ါ carnivorous အသီးအရွက်စားသတ္တ၀ါ herbivory တို့ကနေတဆင့် သတ်မှတ်ခေါ်ဆိုတာဖြစ်ပါတယ်။ တစ်ချို့ကတော့ ဂျပန်ဘာသာ “ဆိုးရှို့ကု ကဲ ဒန်းရှိ”（草食系男子）ကနေ တိုက်ရိုက်အဓိပ္ပါယ်ပြန်ပြီး အင်္ဂလိပ်ဘာသာနဲ့ grass-eating boys မြက်စားသောယောက်ျားလေးများ ရယ်လို့ပြောကြပါသေးတယ်။


စကားလုံးပေါ်ပေါက်လာပုံ
၂၀၀၈ခုနှစ်လောက်မှာ သတင်းလောကကနေ ပေါ်ပေါက်လာတဲ့ စကားလုံးဖြစ်ပါတယ်။ ယေဘူယျအနေနဲ့ “ ညှိနှိုင်းမှုစွမ်းရည်မြင့်မားပြီး မိသားစုဆန်တဲ့စိတ်ဓါတ်နဲ့ သဘောကောင်းကာ၊ အချစ်ရေးမှာတော့ သိပ်တက်တက်ကြွကြွမရှိလှသော အသက်၂၀မှ ၃၀၀န်းကျင် အမျိုးသားများ”ကို ဆိုလိုတာဖြစ်ပါတယ်။


သူ့ရဲ့ဆန့်ကျင်ဘက် အနေနဲ့ အသားစားအမျိုးသမီး (အစုံစားအမျိုးသမီး)ဆိုတဲ့ ဝေါဟာရလည်းပေါ်ပေါက်လာခဲ့ပေမယ့် ၂၀၀၉ခုနှစ်ရောက်လာတဲ့အချိန်မှာတော့ သတင်းစာအစောင်စောင်တို့ရဲ့ ယဉ်ကျေးမှု၊ မိသားစုအိမ်ထောင်ရေး ကဏ္ဍများမှာ အထူးဆောင်းပါးများအဖြစ် ဖေါ်ပြလာကြပါတယ်။ တဖြည်းဖြည်းနဲ့ နိုင်ငံခြားသတင်းလောကများဖြစ်တဲ့ CNN、ရိုက်တာ၊ ဆင်ဟွာသတင်းလောကမှာပါ ထုတ်လွှင့်ရေးသားဖေါ်ပြလာကြပါတယ်။


သတ်မှတ်ချက်
အသီးအရွက်စား အမျိုးသားများကို သတ်မှတ်ပုံကတော့ အဆိုရှင်များကိုလိုက်ပြီးအမျိုးမျိုးရှိပါတယ်။ အချစ်ကိစ္စနှင့် လိင်ကိစ္စများတွင် ဖူးစာမပါ၍မဟုတ်ပဲ မိမိကိုယ်တိုင်က စိတ်ပါဝင်စားစတင်မှုမရှိုခြင်း၊ ယခုခေတ်　မှာ သဘောကောင်းပြီး နူးညံ့သိမ်မွေ့ယဉ်ကျေးတဲ့ အမျိုးသားများက ဆန့်ကျင်ဘက်လိင် (အမျိုးသမီများ)ကို လိုချင်တက်မက်မှုမရှိခြင်း၊ ဆန့်ကျင်ဘက်လိင်(အမျိုးသမီးများ)နှင့် တွဲဘက်ပေါင်းသင်းသော သဘောကောင်းသည့် သူများဖြစ်ကြတယ် လို့ ဖွင့်ဆိုကြပါတယ်။ ။ အသီးအရွက်စား အမျိုးသားများဟာ သဘောကောင်းကြင်နာတတ်ကြသော်လည်း၊ ယောက်ျားပီသမှု နှင့် ချစ်မှုရေးရာ၊များတွင် စိတ်ပါလက်ပါမရှိကြသလို တဘက်သားအားထိခိုက်နစ်နာစေခြင်းလည်းမရှိ မိမိတို့ကိုယ်တိုင်လည်း ထိခိုက်ခံစားလွယ်သူများလည်းမဟုတ်ကြပါတဲ့။


အလွတ်စုံစမ်းသုတေသနပြုခြင်းတစ်ခုကနေ တွေ့ရတဲ့ အချက်အလက်များအရ အမျိုးသား၄၀၀ယောက်မှာ် ၆၁%က အသီးအရွက်စား အမျိုးသားများဟုမိမိကိုယ်ကိုထင်ပြီး ၁၃%ကတော့ အမှန်တကယ် အသီးအရွက်စား အမျိုးသားအဖြစ် မိမိကိုယ်ကိုသတ်မှတ် ကြပါတယ်တဲ့။အဲဒီအချက်အလက်ကိုကြည့်မယ်ဆိုရင် အမျိုးသား၎ယောက်မှာ ၃ယောက်လောက်က အသီးအရွက်စား အမျိုးသားဖြစ်နေတာပါပဲ။

ဝေဖန်မှုများ
လူကို တိရာစ္ဆာန်နှင့် ဥပမာပေးခေါ်ဆိုတဲ့ မထေမဲ့မြင်ပြုခြင်းဟာ အမျိုးသားများကို ခွဲခြား ဆက်ဆံရာရောက်တယ်လို့ဆိုပြီး အမျိုးသားဝါဒီ masculism များက အပြင်းအထန် ဝေဖန် ကြပါတယ်။


လူ့ဘောင်လောကနောက်ခံ
အသီးအရွက်စားအမျိုးသားများနောက်ခံသမိုင်းကိုကြည့်မယ်ဆိုရင်လည်း အမျိုးသမီးဝါဒ တိုးတက်ထွန်းကားလာပေမယ့် အမျိုးသားရေးဝါဒ ကတော့ အသိအမှတ်ပြုသိပ်မခံရသလို ဂျပန်နိုင်ငံလူ့ဘောင်အသိုင်းအ၀ိုင်းမှာလည်း အမျိုးသားရေးဝါဒ ရယ်လို့ ပြသနာများလည်းမရှိခဲ့ ပြသနာရယ်လို့ မယူဆခဲ့ကြတာကလည်း ထိုအခေါ်အဝေါ်ဖြစ်ပေါ်လာစေ တဲ့ အကြောင်းပဲလို့ ဆိုကြပါတယ်။ အကယ်၍သာ အမျိုးသမီးထုတွေကို တိရိစ္ဆာန်နှင့် ခိုင်းနှိုင်းမယ်ဆိုရင် အမျိုသမီးဝါဒီများရဲ့ ပြင်းထန်စွာတုန့်ပြန်မှုသည် ယခုထက်ကြီးမားနိုင်တယ်လို့လည်းဆိုကြပါတယ်။



နိုင်ငံရေးသမားများ၏ အာရုံစိုက်ခြင်းကို လည်းခံရတယ် 

ဂျပန်နိုင်ငံရဲ့ နိုင်ငံရေးသမားများ နှင့် အစိုးရအဖွဲ့အစည်းအရာရှိများကလည်း အသီးအရွက်စားအမျိုးသားများအပေါ် အာရုံစိုက်နေကြပါတယ်။ ဘာဖြစ်လို့လဲဆိုတော့ အစိုးရရဲ့လမ်းစဉ်တွေ ချမှတ်အကောင်အထည်ဖေါ်ရာမှာ မအောင်မြင်တာ ကို အသီးအရွက်စား အမျိုးသားများကြောင့်လို့ လုပ်ပစ်ချင်လို့ပါတဲ့ ။ ဘယ်လိုလဲဆိုရင် ဥပမာ-ကလေးမွေးနှုန်းကျဆင်းလာရတာ ၁၉၉၀ခုနှစ်လောက်ကတည်းကပါ။ အဲဒါကို အစိုးရက သတင်းနဲ့စာနယ်ဇင်းလောကကို အသုံးပြုပြီး “ ကလေးမွေးနှုန်းကျဆင်းမှု ＝ အသီးအရွက်စား အမျိုးသားများ၏ တာဝန်” ဆိုပြီး ပြည်သူလူထုကို တဘက်လှည့်နဲ့ နားသွင်းနိုင်ခဲ့ပါတယ်။ အဲဒါအပြင် အဝေးပြေးလမ်းမဖြတ်သန်းခနှုန်းကို အထူးလျှော့ချလိုက်လို့ လူတွေရထားကိုမသုံးပဲ အဝေးပြေးကားလမ်းကိုအသုံးများသွားကြပါတယ်။ အဲဒီတော့ ဂျပန်မီရထား (Japan Railways) ကိုအသုံးပြူသူ အများကြီးလျှော့ကျသွားပါတယ်။ ဒါကိုလည်း “အဝေးပြေးလမ်းမကြီးတွေဆိုတာ အသားစား အမျိုးသမီးများ ဖြစ်ပြီး၊ ရထားလိုင်းများဆိုတာ အသီးအရွက်စား အမျိုးသားများလိုပဲ” ဆိုပြီး ပြောဆိုပြန်ပါတယ်။

အခုလိုလူကို တိရိစ္ဆာန်၊ အရာဝတ္တုတွေနဲ့ ခိုင်းနှိုင်းပြောဆိုပြီး အသားစား အမျိုးသမီး၊ အသီးအရွက်စား အမျိုးသားရယ်လို့ သိမ်းကျုံးသတ်မှတ်တာကို လူမှုဆက်ဆံရေးပညာအရကြည့်မယ်ဆိုရင် လူတွေကိုယေဘူယျအမြင်တစ်ခုတည်းနဲ့ အမျိုးအစားခွဲခြားသတ်မှတ်ပစ်လိုက်တဲ့ “stereotype ” လို့ခေါ်တဲ့ အမြင်စောင်းခြင်းတစ်မျိုးပါဆိုပြီး တရားချသူတွေကလည်းရှိတယ်တဲ့။


ကျွန်မရဲ့အမြင်ကတော့ ဘာတွေဘယ်လိုပဲပြောပြော၊ ကမ္ဘာမှာ ဒီလိုစကားလုံးကို ဂျပန်နိုင်ငံက ပေါ်ပေါက်လာတဲ့အတွက် ဂျပန်နိုင်ငံရဲ့ လူ့ဘောင်လောကပတ်ဝန်းကျင်ဟာ တစ်မျိုးဖြစ်နေတာကိုတော့ ငြင်းလို့မရနိုင်ပါဘူးဆိုတာရယ်။ ဘာကြောင့် ဒီလို လူ့ဘောင်ပတ်ဝန်းကျင်ဖြစ်လာရတာလည်းဆိုတာက ပိုပြီး စိတ်ဝင်စားစရာကောင်းနေမလား ဆိုတာပါ။


စာဖတ်သူအနေနဲ့လည်း ဒီအကြောင်းနဲ့ပါတ်သက်ပြီး တစ်စုံတစ်ခုတော့ တွေးမိမှာပဲလို့ ထင်ပါတယ်။

ကိုးကားစာမျက်နှာများ
http://smt.blogs.com/mari_diary/2009/11/grass-eating-boys.htm
http://news.xinhuanet.com/lady/2008-12/01/content_10438030.htm
http://eiga.com/buzz/20091213/2/

အန္တရာယ်ကင်း လိမ္မော်သီး တုတ်ထိုး မီးဖုတ်

လိမ္မော်သီးကို  တုတ်နဲ့ထိုးပြီး မီးဖုတ်စားရတဲ့အကြောင်းက “ အန္တရာယ်ကင်း” အတွက် ပါတဲ့။

ဂျပန်နိုင်ငံ ခါဂါ့ဝါခရိုင် မှာရှိတဲ့ “ရှိရိုတိုရိ ဂျင်းဂျ ”လို့ ခေါ်တဲ့ ဘုရားကျောင်းမှာ ဆိုရင် ဒီဇင်ဘာလ ရောက်ရင် လိမ္မော်သီး မီးဖုတ်ပွဲ ကို ကျင်းပလေ့ရှိကြပါတယ်။ တစ်နှစ်ကုန်လို့ ဘုရားစင်ရှင်းလင်းတဲ့ အခါမှာ ထွက်လာတဲ့ ပိုက်ဆံစက္ကူအဟောင်းတို့ အပ်ချည်တို့လိုပစ္စည်းတွေကို အချင်း၂မီတာလောက်ရှိတဲ့ ကျင်းကိုတူးပြီး အဲဒီထဲ ထဲ့ပြီးမီးရှို့ပါတယ်။ ဘုရားစင်ကရတဲ့ အမှိုက်တွေကို ရှင်းလင်းမီးရှို့တဲ့ မီးနဲ့ ဖုတ်တဲ့ လမ္မော်သီး တွေကိုစားရင် နောက်လာမယ့်နှစ်သစ်မှာ ကျန်းမာပြီး ရောဂါကင်းရှင်းတယ် ဆိုတဲ့ အယူအဆနဲက ရိုးရာထုံးတမ်းစဉ်လာ အရ ကျင်းပကြပါတယ်တဲ့။ ဒီနှစ်မှာလည်း လူ ၃၀၀၀လောက်  ဒီပွဲကို လာရောက်သွားကြတယ်လို့ သိရပါတယ်။ အနီးဒေသက ဘုရားဖူးလာသူတွေက ဘုရားကျောင်းအ၀င်က ဆိုင်တွေမှာ ၈လုံးတစ်ချောင်းသီထားတဲ့ လိမ္မော်သီး တုတ်ထိုးတွေကို ၀ယ်၊ ဘုရားဝတ်ပြု၊ ကျင်းထဲမှာ မတူးအောင်ကင် ၊ အရောင်ကောင်းကောင်းတက်လာပြီဆိုတာနဲ့ အိမ်ကိုအမြန်ပြန်ပြီး မိသားစုနဲ့အတူ ဆုတောင်းရင်း လိမ္မော်သီးမီးဖုတ်ကို အတူစားကြပါတယ်တဲ့။

ကျွန်မတို့ မြန်မာပြည်မှာ လိမ္မော်သီးဆိုရင် အအေးအနေနဲ့ပဲ စားတယ်လို့ သဘောပေါက်ထားပါတယ်။ မသကာ မီးနဲ့အပူပေးတယ်ပဲထားအုန်းတော့  လိမ္မော်ယို၊ ကျောက်ကျော၊ ကိတ်မုန့်တို့ ထဲမှာ ထဲ့ပြီးစားတာလောက်ပဲလို့ထင်ပါတယ်။ ဒါကြောင့် လိမ္မော်သီးကို အပူအနေနဲ့ စားရသောက်ရတာ ကျွန်မအတွက်ကတော့ ထူးဆန်းနေပါတယ်။ အဲဒီလို ရိုးရာပွဲမှ မဟုတ်ပဲနဲ့  ပုံမှန် အစားအသောက်အနေနဲ လိမ္မော်သီးကို အပူအနေနဲ့စားသုံးကြပါသေးတယ်။ ကျွန်မစားဘူးသောက်ဘူးတဲ့ လိမ္မော်သီးကို အပူပေးစားနည်းကတော့ (သောက်နည်းလို့ပဲပြောရမယ်ထင်ပါရဲ့)  လိမ္မော်သီးပျားရည်ပါ။

အေးတဲ့ ရာသီမှာ ခံတွင်းပျက်၊ ရင်ပြည့်ရင်ကယ်၊ အအေးမိချင်သလိုဖြစ်တဲ့ အခါတွေမှာ သောက်ကြပါတယ်။
လိမ္မော်သီး ညှစ်ထားတာကို အိုးထဲထဲ့ ရေနွေးအနည်းငယ်ထဲ့ ပျားရည် သင့်ရုံ (လိမ္မော်သီး ရဲ့ အချဉ်ဓါတ်ကို လိုက်ပြီး) ထဲ့ပြီး မီးဖိုပေါ်တင်၊ ပွက်စပြုရင် မီးဖိုပေါ်ကချပြီး သုံးဆောင်နိုင်ပါတယ်။

ပျားရည်နဲ့ လိမ္မော်သီးတို့ရဲ့ သင်းပျံ့တဲ့ ရနံ့၊ မချိုမချဉ်နဲ့ အရသာယဉ်ယဉ်ကလေးက ခပ်နွေးနွေးအပူချိန်နဲ့ လည်ချောင်းကိုဖြတ်ပြီး ဗိုက်ထဲကိုဝင်သွားတာ တကယ်ကို ရင်ချောင်ပြီး လန်းဆန်းစေပါတယ်။
ကိုးကား
http://www.shikoku-np.co.jp/kagawa_news/locality/photo.aspx?id=20081209000102&no=1
http://www.shikoku-np.co.jp/kagawa_news/locality/photo.aspx?id=20071208000359&no=1
http://cookpad.com/recipe/315811

ရွှေတုံးငွေတုံးကိုစားသုံးခြင်း

ဖက်ထုပ် ဆိုတာ ရွှေတုံး ငွေတုံး ကနေလာတာကိုး

မြန်မာလို ဖက်ထုပ် လို့ခေါ်တဲ့ တရုပ်အစားအစာ  ကို သိကြသူ၊ ကြိုက်ကြသူ မနည်းပါဘူး။ မြန်မာပြည်မှာတော့ ဖက်ထုပ်ကြော် ဖက်ထုပ်ဆီချက် ကတော့ ဆီချက်ခေါက်ဆွဲဆိုင်တွေနဲ့ တရုပ်စားသောက်ဆိုင်တွေ၊ တရုပ်တန်းတို့မှာ ၀ယ်ယူစားသောက်နိုင်ပါတယ်။

ဖက်ထုပ်ကို တရုပ်လူမျိုးတွေ နှစ်သစ်ကူးအချိန်မှာ အိမ်တိုင်းလိုလိုမှာလုပ်စားကြတယ်လို့သိရပါတယ်။

ဖက်ထုပ် လုပ်ပုံကတော့ နှဲထားတဲ့ ဂျုံကို လက်တ၀ါးစာ အပြားကလေးလုပ်ပြီး၊ အသား၊ ပုဇွန်၊ ကြက်သွန်မိတ် မိမိကြိုက်နှစ်သက်ရာ ဌာပနာအဖြစ်ထည့်ပြီး  ထုပ်ရတာဖြစ်ပါတယ်။ ဖက်ထုပ်ကို အပြုတ်၊ အကြော်၊ အမျိုးမျိုးချက်ပြုတ်စားသောက်နိုင်ပါတယ်။

တရုပ်အမျိုးသမီးများ အချက်အပြုတ်ကျွမ်းကျင်မှုကို ဖက်ထုပ်၊ ထုပ်ပုံကိုကြည့်ပြီး သိနိုင်တယ်လို့လည်းဆိုပါတယ်။စိတ်ဝင်စားစရာကောင်းတာက ဖက်ထုပ်ပုံက အမှတ်တမဲ့ အနေနဲ့ ဒီလိုပဲ ကြည့်ကောင်းအောင် ထွင်ပြီးထုပ်ထားတယ်လို့ထင်ခဲ့ပါတယ်။

 ဒီဖက်ထုပ်ရဲ့ နဂိုမူလပုံစံက  တရုပ်လူမျိုးတွေ ရှေးခေတ်က ငွေကြေးအဖြစ် သုံးခဲ့တဲ့ ၊ရွှေတုံး၊ ငွေတုံး လေးတွေကို ပုံစံယူထားတာလို့သိရပြီး၊ အတိတ်နမိတ်ကောင်းအောင် တရုပ်နှစ်သစ်ကူးမှာ သူ့ကို စားကြတယ်ဆိုတဲ့ စိတ်ဝင်စားစရာအကြောင်းကို သိရပါတော့တယ်။

ဖက်ထုပ် dumpling ကို နိုင်ငံပေါင်းစုံ ဒေသပေါင်းစုံမှာ ပုံစံမျိုးစုံ အခေါ်အဝေါ် အမျိုးမျိုး နဲ့ စားသောက်ပုံမျိုးစုံတွေ့ရပါတယ်။

အသင့်စားသုံးနိုင်တဲ့ အအေးရိုက်ထားတဲ့ ဖက်ထုပ်မျိုးစုံကိုလည်း ၀ယ်ယူစားသုံးနိုင်သလို၊ ဆိုင်မှာ ပူပူနွေးနွေး စားသောက်တာကလည်း တစ်မျိုး အရသာရှိလှပါတယ်။  အချိန်ရ၊ လမ်းကြုံရင် ဖက်ထုပ်စား လိုက်အုန်းမယ်။

 

ဓါတ်ပုံများကူးယူရာနေရာ
http://ja.wikipedia.org/wiki/%E3%82%AE%E3%83%A7%E3%83%BC%E3%82%B6

အသည်းစကား ပြောချင်တယ်

မြန်မာတို့ ၏ “ အသည်း”နှင့် ဂျပန်တို့၏ “အသည်း”

မြန်မာလို “အသည်း” ဆိုတဲ့ စကားလုံးဟာ အသုံးများပြီး ၊ အသံကြားတာနဲ့ စကားလုံးမူရင်းအဓိပ္ပါယ်
အပြင် တင်စားသုံးနှုန်းထားတဲ့ ဆိုလိုရင်းကို ခံစားလို့ရတဲ့ဝေါဟာရတစ်ခုဖြစ်ပါတယ်။

ကိုယ်ခန္ဒာအစိတ်အပိုင်းတစ်ခုအနေနဲ့ ပြောတဲ့အခါမှာ အသည်းကြီးရောဂါ၊ အသည်းရောင် အသားဝါ ရောဂါ ၊ စသည်ဖြင့်ပြောဆိုကြသလို၊ “ကိုယ့်အသည်းလေး” “သူ့ရဲ့ အသည်းလေး” “အသည်းကွဲ တိုးရစ်စ်ကြီး” “အသည်းမခွဲပါနဲ့” ဆိုပြီး လူတစ်ယောက်ရဲ့အရေးအကြီးဆုံး အမြတ်နိုးဆုံး အရာတွေကို ပြောချင်တဲ့ အခါ၊ စိတ်နှလုံး ခံစားချက် သဘောထားတွေကို ပြောတဲ့အခါမှာလည်း တင်စားသုံးနှုန်းကြပါတယ်။

ဒီနေရာမှာ ပြောချင်တာကတော့ ဂျပန်ဘာသာမှာ “အသည်း” ကို မြန်မာဘာသာလို ကိုယ်ခန္ဒာအစိတ်အပိုင်း အဖြစ်ကော တင်စားမှုအဖြစ်ပါ တစ်ခုတည်းသော ဝေါဟာရနဲ့ သုံးနှုန်းတာမတွေ့ရဘူးဆိုတာကိုပါ။
ဂျပန်ဘာသာနဲ့ သုံးနှုန်းပုံကို ဒီလိုတွေ့ရပါတယ်။

ခန္ဒာကိုယ်အစိတ်အပိုင်း “အသည်း”ကို ဂျပန်လို “ရှင်းဇိုး 心臓　” လို့ခေါ်ပြီး ၊
တင်စားမှုအသုံးအနှုန်း “အသည်း” ကို တော့ အင်္ဂလိပ်လို heart ကိုသုံးတာကိုတွေ့ရပါတယ်။ ဂျပန်လိုအသံထွက်တဲ့ အခါ “ ဟားတို” လို့ဖြစ်နေပါတယ်။ အသည်းပုံ ဆိုတော့ “ဟားတို ဂါ့တာ” “ဂါ့တာ့” က “ပုံသဏ္ဍန်” ပေါ့။ နောက်တစ်ချက်ကတော့ အစားအသောက်တွေအနေနဲ့ ကြက်အသည်း ၀က်အသည်းကိုကျပြန်တော့ - အင်္ဂလိပ်လို liver ကို သုံးတာတွေ့ရပါတယ်။ ဂျပန်လို အသံထွက်တော့ “ရက်ဘား” လို့ ဖြစ်သွားပါတယ်။

ဂျပန်ဘာသာကတော့ ထုံးစံအတိုင်း စည်းကမ်းကြီးလိုက်တာလို့ ပြောရမလားပဲ ။ သတိထားပြီးပြောရတာများပါတယ်။ နေရာခွဲပြီးသုံးတယ်လေ။ ဥပမာ-ကြက်အသည်းကို “ချစ်ကင်း ဟားတို ” လို့ ပြောမယ်ဆိုရင် တစ်ခုခုမှားနေသလို ကြားလို့နားထဲမှာ နားထောင်လို့မကောင်းဘူးနော်။ “ကျွန်မရဲ့ ရှင်းဇိုး”လို့ပြောပြန်ရင်လည်း ၊ ကဗျာမဆန်ပဲ သွေးခုန်လည်ပတ်နေတဲ့ ရင်ဘတ်ထဲက နှလုံးပုံကြီးကို မြင်ရောင်မိတော့မယ်လေ။

ကျွန်မတို့မြန်မာဘာသာ နဲ့ “အသည်း”ကတော့ ဝေါဟာရ တစ်မျိုးတည်းနဲ့ အဓိပ္ပါယ်အမျိုးမျိုးဆောင်တဲ့ အပြင် နဂိုမူလ ဝေါဟာရ ဖြစ်တဲ့ ခန္ဒာကိုယ်အစိတ်အပိုင်း ရဲ့ အခေါ်အဝေါ်ကို ခန္ဒာကိုယ်အစိတ်အပိုင်း လောက် အရေးကြီးမှု နဲ့ တင်စားမှုအဖြစ်သုံးနိုင်တာကိုပါတွေ့ရလို့ ပြောရဆိုရတာ စိတ်ကျေကျေနပ်နပ်ရှိလှပါတယ်လို့ တွေးရင်း ဒီပို့စ်လေးကို ရေးလိုက်တာပါ။

ရင်ထဲမှာလည်း “အသည်း” ။ ချစ်ရသူကိုလည်း “အသည်း” ။ ဟင်းချက်စားတော့လည်း “ကြက်အသည်း” “၀က်အသည်း” အားလုံးတစ်မျိုးတည်း နဲ့ အဆင်ပြေတာကတော့ မြန်မာတို့ ရဲ့ “အသည်း ” လေး ပေါ့နော်။

စာဖတ်သူကော “အသည်း” နဲ့ ပါတ်သက်ပြီး ပြောစရာများရှိပါသလားရှင်။



ဓါတ်ပုံကိုကူးယူရာနေရာ
http://image-search.yahoo.co.jp/search?ei=UTF-8&p=%E3%83%8F%E3%83%BC%E3%83%88

ဒီတစ်ခါ ဆောင်း

ဆောင်းဦးလှိုင်ရဲ့ ဒီတစ်ခါဆောင်း ဆိုတဲ့ သီချင်းကို ကျွန်မသိပ်ကြိုက်ပါတယ်။ ဒီသီချင်းလေးကို နားထောင်ပြီး အရမ်းချမ်းတဲ့ အချိန်တွေမှာ မြန်မာပြည်ရဲ့ အနွေးဓါတ်ကို ပြန်လည်ခံစား စိတ်ကူးယဉ်ပါတယ်။

အခုဒီပို့စ်မှာ ဂျပန်နိုင်ငံရဲ့ဆောင်းရာသီကိုဘယ်လိုခံနိုင်ရည်ရှိအောင်ကြိုးစားနေရတယ် ဆိုတဲ့ အကြောင်းကို ရေးမယ်ဆိုပြီးတော့ ဒီခေါင်းစဉ်လေးကို ယူသုံးမိပါတယ်။

ဒီဇင်ဘာလကိုရောက်လာပါပြီ။ ရာသီဥတုက တဖြည်းဖြည်းနဲ့ အေးလာပြီး နေ့စဉ်အပူချိန်ကတော့ ၁၀ကနေ၁၅ဒီဂရီ စင်တီဂရိတ် (ဖာရင်ဟိုက်နဲ့ဆိုရင် ၄၅ကနေ ၅၉လောက်)အတွင်းရှိပါတယ်။ ဒီလောက်ကိုတော့ အရမ်းချမ်းလှတယ်လို့ ပြောလို့တော့မရသေးပါဘူး။ နှစ်ကုန်ပြီး လို့ ၁လပိုင်းလောက်ဆိုပိုအေးလာမှာပါ။ ၂လပိုင်းကတော့ အအေးဆုံးလပေါ့။ အဲဒီအချိန်လောက်ဆို နှင်းလည်းကျပါတယ်။ ဒီလိုအအေးဒဏ်ကို ကာကွယ်ဘို့အတွက် ပြင်ဆင်မှုတွေလုပ်ရပါတယ်။ မြန်မာပြည်မှာမွေးဖွားကြီးပြင်းခဲ့ တဲ့ ကျွန်မတို့လိုလူမျိုးတွေ တင်မဟုတ်ပါဘူး ၊ ဂျပန်လူမျိုးတွေလည်း ကြိုတင်ပြင်ဆင်ကြပါတယ်။

အအေးဒဏ်ခံ အ၀တ်အစား

အနွေးထည်ကို အခန်းတွင်းမှာ ၀တ်တာဘို့ အနွေးထည်၊  အပြင်သွားရင်ဝတ်ဘို့ ကုတ်အင်္ကျီအရှည်၊ နှင်းကာ၊ ခေါင်းစွတ်၊ ခြေအိတ်၊ လက်အိတ်၊ မာဖလာ တို့ကတော့ မရှိမဖြစ်လိုအပ်ပါတယ်။ အဲဒါတွေကို အထပ်ထပ်မ၀တ်ခင် အောက်ခံအနေနဲ့ အအေးဒဏ်ခံ အတွင်းခံကို ယောက်ကျားမိန်းမခလေး အားလုံးခံဝတ်ကြတာရှိပါတယ်။ အခုခေတ်ရဲ့ နည်းပညာနဲ့ ၀တ်လိုက်ရင် အနွေးဓါတ်ရအောင်လုပ်ထားတဲ့ အောက်ခံ အ၀တ်ကို ၀တ်ကြပါတယ်။

ဝတ်နေကြမဟုတ်လို့ မ၀တ်ချင်ဘူးဆိုရင်တော့ အနွေးတည်အထူကြီးတွေဘယ်လောက်ဝတ်ဝတ် မနွေးနိုင်ပါဘူး၊ ကြည့်ရတာလည်း ပွဖေါင်းဖေါင်းနဲ့ စတိုင်မကျပါဘူး၊ အဲလိုအနွေးဓါတ်ပါတယ့် အ၀တ်တွေမှာ Ｈｅａｔဆိုတဲ့ စာလုံးနဲ့ အမှတ်အသားလေး တွေပါပါတယ်။

သွေးလည်ပတ်မှုကောင်းစေတဲ့ ခြေအိတ်

ခြေအိတ်ကတော့ တနေကုန်ဝတ်ထားရတော့ ခြေချောင်းလေးတွေ တစ်ချောင်းစီခွဲထားတဲ့ ခြေအိပ်က ၀တ်ထားရင် နေရထိုင်ရတာ အဆင်ပြေပါတယ်။

အလုပ်တွင်ကျယ်တဲ့ လက်အိတ်

လက်အိတ်ကိုလည်း၊ ကွန်ပြူတာရိုက်တာတို့ လက်နဲ့ အချိန်ပြည့်

ပုံစံနဲ့ အလုပ်လုပ်ရတဲ့သူတွေအတွက် လက်ချောင်းတွေထွက်နေတဲ့  လက်အိတ်က ပိုကောင်းပါတယ်။ 

ခိုင်းရို

တကယ်လို့အပြင်မှာတနေကုန်နေရမယ့်အခါတို့ ၊ သိပ်အထူကြီးတွေ မ၀တ်ချင်တဲ့ အခါတို့။ အရမ်းကိုချမ်းတဲ့အချိန်တို့မှာတော့  ဂျပန်လို “ခိုင်းရို” လို့ ခေါ်တဲ့ အပူဓါတ်ပေး အမှုန့်ထုပ်ကလေးတွေကို ၀တ်ထားတဲ့ အင်္ကျီမှာ ကပ်၊ ဒါမှမဟုတ် လက်နဲ့ဆုပ်ကိုင်ထားရင်လည်း နွေးပါတယ်။

သူ့ကို ထဲ့ပြီးကိုင်ထားဘို့ အလှအိတ်ကလေးတွေလည်းရှိပါတယ်။ အမှုန့်လေးတွေက လူကိုယ်နဲ့ထိထားမှ အပူဓါတ်ထွက်တာပါ။ အမှုန့်လေးတွေကို လက်နဲ့ ဆုတ်ချေပြီးပေးရင်လည်း ပြန်ပူနွေးလာနိုင်ပါတယ်။

အိပ်ပျော်နေတဲ့ အချိန်မှာတော့ မသုံးရပါဘူး။

ရေနွေးအိတ်

ညအိပ်တဲ့ အချိန်မှာလည်း ရေနွေးအိပ်ကိုသုံးရပါတယ်။ကျွန်မတို့ မြန်မာနိုင်ငံမှာသုံးတဲ့ ရေနွေးအိတ်ပုံစံလည်းရှိပါတယ်။ ဒါပေမယ့် ဂျပန်က ရေနွေးအိတ်အများစုပုံစံက လိပ်ကြီးတွေနဲ့ တူပါတယ်။

သူ့ချည်းပဲဆိုင်မှာတင်ထားတာကိုတွေ့တုန်းက ဘာကြီးမှန်းမသိခဲ့ပါဘူး။

ကိုယ်နဲ့ အသားကျနေတဲ့ ပုံစံက ပိုကောင်းသလိုထင်မိပါတယ်။

ရေနွေးစိမ်ခြင်း

 အ၀တ်အစားအပြင် တစ်ကိုယ်ရည်ကျန်းမာရေးအတွက် ပူနွေးတဲ့ အစားအစာများနဲ့ ညအိပ်ရာမ၀င်ခင် ရေနွေးစိမ်မယ်ပေးမယ်ဆိုရင်တော့ ခန္ဒာကိုယ်ကို အပြင်ကော အတွင်းကပါ ပူနွေးလာစေမှာဖြစ်ပါတယ်။

နေပုံထိုင်ပုံ ဗဟုသုတ

ချမ်းတဲ့အခါမှာ ချမ်းလို့ဆိုပြီး မသိစိတ်က ကိုယ်ကိုတင်းထားရင်းနဲ့ ကျောနဲ့ လက်ပြင်တွေကို အကြောတက်စေပါတယ်၊ သတိထားပြီး စိတ်ကိုလျှော့ပြီး နွေးထွေးအောင်နေဘို့လိုပါတယ်။ အအေးဒဏ်က အာရုံစူးစိုက်မှုကိုလည်း ကျဆင်းနိုင်ပါတယ်။ ဦးနှောက်ကို အသုံးပြုနေတဲ့ အချိန်မှာ သင့်တင့် တဲ့ အခန်းအပူချိန်နဲ့ (အပြင်မှာချမ်းတယ်ဆိုပြီး အပူပေးစက်ကို အရမ်းမြှင့်ခြင်းမလုပ်သင့်ပါ။) ခန္ဒာကိုယ်ကို နွေးထွေးအောင်နေဘို့လိုပါတယ်။ အပူချိန်အရမ်းလွှတ်ထားရင် အသားအရည်တွေကို ခြောက်သွေ့စေသလို၊ အခန်းအတွင်းအောက်စီဂျင်နည်းလာလို့ လူကို အိပ်ချင်စေပါတယ်။ အသားအရည်အတွက် လိုးရှင်း၊ ကရမ် တို့ကိုမလိမ်းဘူးဆိုရင် အသားတွေ ခြောက်ခန်းပြီး အရေပြားလေးများလန်ကာ ယားယံတတ်ပါတယ်။အဖြစ်များတာက ဆောင်းတွင်းမှာ ခေါင်းက ဘောက်ထ တာတို့ အရေပြားတွေခြောက်လို့ ဟိုကုတ်ဒီကုတ် ဖြစ်ရတတ်တာတွေပါ။ လူအများနဲ့ ပြောဆိုဆက်ဆံတဲ့ အလုပ်လုပ်တဲ့သူတွေကတော့ပိုပြီးသတိထားဘို့လိုပါတယ်။ လက်ကိုလ်ိမ်းတဲ့ အဆီ တို့၊ နှုတ်ခမ်းအတွက် လိမ်းတာတို့ကို သုံးမယ်ဆိုရင် အလွန်အဆင်ပြေပါတယ်။

ဖြစ်နိုင်မယ်ဆိုရင် အပူပိုင်းဒေသကလာတဲ့ ကျွန်မတို့တွေက ချမ်အေးလှတဲ့ နိုင်ငံမှာ မွေး ကြီးပြင်းတဲ့သူတို့တွေဘယ်လိုနေလဲဆိုတာကို သတိထားပြီး နည်းယူရင် အချမ်းဒဏ်ကို ခံနိုင်ဘို့ကြိုးစားနိုင်ရင်အကောင်းဆုံးပါပဲ။ 

တစ်ခါတစ်လေမှာတော့ လျှပ်စစ်ကော်ဇောနဲ့ လျှပ်စစ်ဆောင်တို့ကိုလည်း သုံးရပါတယ်။

အခြားအေးတဲ့ နိုင်ငံတွေမှာလည်း အခုလိုပဲနေကြမယ်လို့ထင်ပါတယ်။ ဒါမှမဟုတ် သူ့ထက်ပိုကောင်းတဲ့ နည်းတွေလည်း ရှိနိုင်ပါတယ်။ (ဥပမာ-ကိုရီးယားလူမျိုးသူငယ်ချင်းအပြောအရ သူတို့ ကိုရီးယားမှာတော့ အခန်းကြမ်းပြင်အောက်မှာ ရေနွေးပိုက်တွေ ကရေနွေးတွေ စီးဆင်းနေအောင်လုပ်ထားတယ်လို့သိရပါတယ်။)

ပြင်ဆင်မှုတွေ မျိုးစုံနဲ့ ဒီတစ်ခါဆောင်းကိုလည်းကြိုးစားပြီး ဖြတ်သန်းလိုက်ပါအုန်းမယ်။

ဓါတ်ပုံများကို http://search.yahoo.co.jpမှရယူပါတယ်။

သမတအိုဘားမား ဂျပန်ခရီးစဉ် ဂယက်-၃

နိုဝင်ဘာလ ၁၄ရက်နေ့က ဂျပန်နိုင်ငံခရီးစဉ်အတွင်း　သမတအိုဘားမားက ဂျပန်ဘုရင်နှင့်တွေ့ဆုံတဲ့ အချိန်မှာ ဘုရင်ကို ဦးညွှတ်အရိုအသေ ပြုနှုတ်ဆက်လို့ဆိုပြီး သမတအိုးဘားမားကို ဆန့်ကျင်တဲ့ဘက်က ရပ်တည်သော ဖေါ့ခ်စ် တယ်လီဗေးရှင်း အသံလွှင့်ဌာနအပါအ၀င် အမေရိကန်နိုင်ငံ ရှေးရိုး  ၀ါဒီတွေက ရှုံ့ချကြပါတယ်။

တရုတ်နိုင်ငံအင်တာနက်မှာဒီလိုရေးကြတယ်။ 
  ဒီသတင်းကို တရုပ်နိုင်ငံမှာ အင်တာနက်ပေါ်တင်တော့ “ အဲဒါ ဘာမကောင်းတာ ရှိလဲ” ဆိုပြီး မိမိတို့ရဲ့သဘောထားကို ကော်မန့်ပြန်တင်သူစာဖတ်သူတွေတွေက သိသိသာသာများပါတယ်တဲ့။ ကော်မန့်တွေထဲမှာ “ ဂျပန်ဘုရင်ဆိုတာ ဂျပန်လူမျိုးတွေအတွက် ကိုးကွယ်အားထားတဲ့ ခေါင်းဆောင်လေ။ ဂျပန်လူမျိုးတွေ လှိုက်လှိုက်လှဲလှဲတောင် ၀မ်းသာအောင် ဦးညွှတ်အရိုအသေ ပြုနှုတ်ဆက်နိုင်တာ ဘာပြဿနာမှ မရှိဘူး” ၊“ ကိုယ့်ထက် အသက်ကြီးတယ်လေ။ ဦးညွှတ်အရိုအသေ ပြုနှုတ်ဆက် တာ ဘာဆန်းလို့လဲ” ၊ “ သမတ အိုဘားမား အရှေ့ နဲ့ အနောက်ရဲ့ ဂါရ၀ပြုနည်းတွေကို ကောင်းကောင်းသိတာပြတာပေါ့၊ သူ့ရဲ့ ကိုယ့်ကိုကိုယ်နှိမ့်ချ တစ်ဘက်လူကို ရိုသေမှုပြတာပေါ့ ” ဆိုပြီး ရေးကြပါတယ်။ အမေရိကနဲ့ ဂျပန် အကြား အဆင်မပြေဖြစ်စေမယ့် အကြောင်းအရာကိုရေးကြတာလည်းတွေ့ ရပါတယ် ။ ဒါပေမယ့် ပြောလောက်အောင်ရှိလှပါဘူး။ “နည်းနည်းတော့ ပိုသွားတယ်” လို့ ပြော တဲ့သူနဲ့ အခုလို ရေးကြီးခွင်ကျယ်လုပ်ပြီး ဆန့်ကျင်တာက မှ ပိုပြီး ရယ်စရာကောင်းတယ်လို့ သဘောထားတင်ပြသူတွေလည်း ရှိပါတယ်။


အမေရိကန် ဘလောက်ဂါကတော့ “သမတ အိုဘားမားရဲ့ ဦးညွှတ်အရိုအသေ ပြုနှုတ်ဆက်မှု အမေရိကမှာ ပြဿနာ” လို့ ဆိုပြီး ဒီလို ရေးပါတယ်။ 
အခုလို အမေရိကသတင်းလောက က ဒီအကြောင်းကို ရေးကြီးခွင်ကျယ်နဲ့ စကားတစ်ခုလုပ်ပြီး ပြောကြတာကို ဆက်လက်ပြီး တင်ပြရရင် အမေရိကန် အေဘီစီ သတင်းဌာနရဲ့ ၀က်ဗ်ဆိုက်မှာတော့ ဆောင်းပါးရှင် Jake Tapper က ဂျပန်ဘုရင့်အိမ်တော်က မိတ်ဆွေနဲ့ ဒီကိစ္စကို စကားပြောခဲ့တာကို ရေးသားထားပါတယ်။ “သမတ အိုဘားမားရဲ့ ဦးညွှတ်အရိုအသေ ပြုနှုတ်ဆက်မှုဟာ ဟိုအရင်က ဘယ်သူမှ မလုပ်ဘူးတဲ့ ကိစ္စလည်းမဟုတ်သလို၊ ယဉ်ကျေးမှုနဲ့ပါတသက်ပြီး ဘာအဓိပါယ်ကိုပေးတဲ့ နိမိတ်လက္ခဏာကိုမှလည်း မပြပါဘူး။ “၁၉၁၇ခုနှစ်က သမတ နယ်လ်ဆင်လည်း ရှောဝါ့ခေတ်ဂျပန်ဘုရင်က အမေရိကကို ပထမဦးဆုံးအကြိမ်လာရောက်ခဲ့စဉ်ု အလစကားပြည်နယ်မှာ တွေ့ဆုံတော့ ဂျပန်ဘုရင်ကို ဦးညွှတ်အရိုအသေ ပြုနှုတ်ဆက်ခဲ့တာပဲ။ ဒါပေမယ့် သမတ နယ်လ်ဆင် ရဲ့ ဦးညွှတ်အရိုအသေ ပြုနှုတ်ဆက်မှု ကိုယ်နေဟန်ထားက မှန်ကန်ခဲ့တယ်။ သမတအိုဘားမား ရဲ့ ဦးညွှတ်အရိုအသေ ပြုနှုတ်ဆက်မှု ကိုယ်နေဟန်ထားကတော့ ဟိုးအရင် သမတ ဘွတ်ရှ် က ဂျာမဏီ ၀န်ကြီးချုပ် မယ်လ်ကဲလ် ရဲ့ ပခုံးကို ဖြစ်ညှစ်ခဲ့တဲ့ အဖြစ်အပျက်ကို သတိရစေပါတယ်။ ” လို့ ဆောင်းပါးမှာရေးသားထားပါတယ်။ “အမေရိကန် လို နိုင်ငံတစ်နိုင်ငံရဲ့ သမတ တစ်ယောက်အနေနဲ့ အဲဒီလောက် ခါးကုန်းစရာမလိုပါဘူး” ဆိုတဲ့ အတွေးအခေါ်မျိုးကို ဆိုလိုတဲ့ အရေးအသားကိုလည်း ဖေါ်ပြထားပါတယ်။ အမေရိကန် ဘလောက်ဂါတစ်ယောက် Rod ဆိုသူက “ သမတ အိုဘားမားက အင်္ဂလန်က ၀န်ကြီးချုပ်ကိုＤＶＤ ပို့တာတို့၊ ဘုရင်မကြီးကိုｉＰｏｄ ပို့တာတို့ လုပ်တယ်လေ။ ဒီလိုအပြုအမူ ဆောင်ရွက်ချက်တွေနဲ့ အခုတစ်ခါ ဦးညွှတ်အရိုအသေ ပြုနှုတ်ဆက်ခဲ့တာတွေကို ကြည့်မယ်ဆိုရင် သမတအိုဘားမားက အမေရိကန်ရဲ့ နိုင်ငံခြားဆက်ဆံရေး ပုံစံသစ် ကို ထွင်တာပဲလို့ ပြောမလား ၊ ဒါမှမဟုတ် ဓလေ့ထုံးစံနဲ့ ယဉ်ကျေးမှုကိုနားမလည်တာပဲလား ” ဆိုပြီး သရော်ထားပါတယ်။

နောက်ထပ် တရုပ်ဘလောက်ဂါတစ်ယောက်က “သမတအိုဘားမား က ဂျပန်ဘုရင်နှင့်မိဖုရားတို့ကို ၉၀ဒီဂရီ နဲ့ ကိုယ်ကိုကိုင်းညွှတ် အရိုအသေပေးခြင်းဖြင့် ဖျော်ဖြေတင်ဆက်” ဆိုပြီးရေးတယ်။
  နိုဝင်ဘာလ ၁၄ရက်နေ့ည ဂျပန်ဘုရင်နှင့်မိဖုရားတို့ နှင့် အတူ နေ့လည်စာသုံးဆောင်ဘို့ အိမ်တော်ကိုရောက်ရှိလာတဲ့ သမတ အိုဘားမား ဟာ ဂျပန်ဘုရင်နှင့်မိဖုရားကိုတွေ့တာနဲ့ “ တွေ့ဆုံခွင့်ရတာ အလွန်ဝမ်းသာဂုဏ်ယူပါတယ်” လို့ ပြောရင်း လက်ဆွဲ နှုတ်ဆက်ကာ အကြိမ်ကြိမ် ဦးညွှတ်လိုက်ပါတယ်။ ဂျပန်ဘုရင်နှင့်မိဖုရားတို့ ကတော့ အပြုံးမျက်နှာနဲ့ ထွက်လာပြီး သမတ ကို ဆီးကြိုနှုတ်ဆက်ခဲ့ ကြပါတယ်။ ဘလောက်ဂါက သူ့ရဲ့ အမြင်ကို “ရိုမန်ဘုန်းကြီးကို ဂါရ၀ပြု အရိုအသေပေးတာက လွဲလို့ ။ နိုင်ငံခေါင်းဆောင်လောက်ကိုတော့ ပွေ့ဖက်နှုတ်ဆက် မယ်၊ ခေါင်းလေးဆတ်ပြီး နှုတ်ဆက်တာလောက်ကတော့ ပုံမှန်ပါ။ ဒါပေမယ့် ဘာဖြစ်လို့ ၉၀ဒီဂရီ နဲ့ ဦးညွှတ်အရိုအသေ ပြုနှုတ်ဆက်မှု (အမြင့်ဆုံးရိုသေမှု ပြ) ကို လုပ်ရတာလဲ လို့ ရေးထားပါတယ်။ ဆက်ပြီး ဂျပန်သတင်းလောက က သမတရဲ့ (အမြင့်ဆုံးရိုသေမှု ပြ) ခြင်းနဲ့ ပါတ်သက်ပြီး ရေးထားတဲ့ “ နှစ်ပေါင်း၆၀ကျော်လောက်က ဟီရိုဟီတို ဘုရင်ကို အမေရိကန် စစ်ဗိုလ်ချုပ် မက်ခ်အာသာ ဒေါက်ဂလပ်စ် က ဂါရပြု တွေ့ဆုံချိန်မှာ လုပ်ခဲ့တဲ့ မာန်တက်နေတဲ့ အမူအရာနဲ့ က တော့ တခြားစီပါပဲ” ဆိုတာကို ဘလောက်ဂါက “ ဒါ လည်း မှန်တာပဲ ” လို့ ထောက်ပြထားပြန်ပါတယ်။ ဘလောက်ဂါပြောချင်တာကတော့ နိုင်ငံတကာဆက်ဆံရေးတွေမှာ အရိုအသေပေးမှု နဲ့ ဓလေ့ ထုံးစံတွေဟာ များလှပါတယ်။ အခုလို သမတအိုဘားမား ရဲ့ ထူးထူးခြားခြား အပြုအမူ က လူတွေအာရုံစိုက်ဘို့ဖြစ်သွားရတာကလည်း အမှတ်မထင်ပါ။ အထူးသဖြင့် အမေရိကန်နဲ့ ဂျပန်လို နှစ်နိုင်ငံ ကြားမှာဖြစ်တာကတော့ ဒီထက်ပို ဆိုဘွယ်ရာမရှိ တဲ့။ ၁၄ရက်နေ့ညနေမှာ သမတအိုဘားမား ဟာ မူလ အစီအစဉ်ကို ဖြတ်ချပြီး ဂျပန်ကနေ နောက်တစ်နေရာဖြစ်တဲ့ စင်္ကာပူကို ထွက်ခွါခဲ့ပါတယ်။ ဂျပန်ခရီးစဉ် က၂၄နာရီတောင်မပြည့်တာရယ် အိုကီနာဝါမှာ အခြေစိုက်စခန်းချထားတဲ့ အမေရိကန်ရေတပ် ပြောင်းသွားဘို့ ပြဿနာစေ့စပ်ညှိနှိုင်းမယ့် ပုံစံကိုမတွေ့ရလို့ ဂျပန်တွေက ကျေနပ်မှာ မဟုတ်ပါဘူး။ ဒါပေမယ့် ဘုရင်နဲ့ မိဖုရားကို ပြခဲ့တဲ့ သမတအိုဘားမားရဲ့ ပုံစံကိုတော့ ဂျပန်လူမျိုးအများစုက အကျေနပ်ကြီး ကျေနပ်နေမှာပါ လို့ ပြောထားပါတယ်။  
“သမတအိုဘားမား ရဲ့ အပြုအမူကိုဝေဖန်တာကမှ သိမ်နုတ်တဲ့စိတ်ကိုဖေါ်ပြတာပေါ့ ” လို့ ဆိုတဲ့ နယူးစ်ဝိခ် ရဲ့ ဆောင်းပါးတစ်ပုဒ်မှာရေးထားတာပါ။
ဂျပန်နိုင်ငံကိုအလည်လာစဉ်အတွင်း ဂျပန်ဘုရင် ကို ဦးညွှတ်အရိုအသေ ပြုနှုတ်ဆက်တဲ့ သမတအိုဘားမား အတွက်နဲ့ အမျိုးမျိုး ပြောကြဆိုကြတာတွေကိုတွေ့ရလို့ ကြောက်တောင်ကြောက်မိပါတယ်။ ဒီအပြုအမူ နဲ့ပါတ်သက်ပြီး ဒေါသအိုးပေါက်ကွဲတဲ့သူတွေက သမတအိုဘားမားရဲ့ အပြောအဆို အပြုအမူတွေကို မကျေနပ်မှုနဲ့ သူ့ဘ၀ကိုကျင်လည်နေရသလို အဲသလောက်အထိလည်းပြောဆိုဝေဖန်ကြတာ လို့ပဲတွေးလိုက်မိပါတော့တယ်။ တစ်ဘက်ကလည်း ဦးညွှတ်အရိုအသေပြုတယ်ဆိုတာဟာ အဓိပါယ်မရှိဘူးလို့ တွေးတဲ့သူတွေဟာလည်း သမတအိုဘားမား ကိုလည်း ဒီလောက်စိတ်မ၀င်စားကြပြီး အရေးတောင်မလုပ်ကြသူတွေပေါ့။ ကျွန်တော့်အနေနဲ့လည်း ဦးညွှတ်အရိုအသေ ပြုနှုတ်ဆက်တာလေးနဲ့ ဒီလောက် ရေးကြီးခွင်ကျယ် လုပ်နေစရာမလိုပါဘူးဆိုပြီး အတတ်နိုင်ဆုံး ဒီကိစ္စကို ၀င်မပါခဲ့ပါဘူး။ နိုင်ငံခြားသား လူကြီးလူကောင်း တစ်ယောက်ကို အမေရိကန်သမတတစ်ယောက်က ဦးညွှတ်အရိုအသေ ပြုနှုတ်ဆက်တာ သမတအိုဘားမားက ပထမဦးဆုံးသူလည်းမဟုတ်ပါဘူး။သမတ ဘီလ်ကလင်တန်လည်း ဘုရင်အာကီဟီတို ကို ဦးညွှတ်အရိုအသေ ပြုနှုတ်ဆက်တဲ့ အပြင်၊ သမတ ရစ်ချပ် နစ်ဆင်လည်း အဲဒီဘုရင်ရဲ့ အဖေ ဘုရင်ဟီရိုဟီတို ကို၊ အမေရိက သမတ ၃၄ယောက်မြောက် ဒွိုက် ဒေးဗစ် အက်ဆင်ဟွာ Dwight David Eisenhower လည်း ပြင်သစ်သမတ ချားလ် ဒီ ဂေါလ် ကို Charles André Joseph Pierre-Marie de Gaulle ဦးညွှတ်အရိုအသေ ပြုနှုတ်ဆက်ခဲ့ ကြတာပါပဲ။ သူတို့ က အဲဒီလို ဦးညွှတ်အရိုအသေ ပြုနှုတ်ဆက်တာနဲ့ ကမ္ဘာမှာ အမေရိကန်ရဲ့ အဆင့်က မော်ကွန်းတင်လောက်အောင် ချိနဲ့ သွားမှာလည်း မဟုတ်၊ အခုလည်း အဲလိုဖြစ်မသွားဘူးမို့လား။ သမတရဲ့ တိကျမှန်ကန်တဲ့ ဓလေ့ထုံးစံကျမှု နဲ့ သူ့ရဲ့ ကြီးမားတဲ့ ရပ်တည်မှု ကို ပေါင်းစပ်လိုက်လို့ အထင်ကရဖြစ်သွားတာတစ်ခုပါ။ ယနေ့ အမေရိကန်နိုင်ငံကြီးက သက်ကြီးရွယ်အိုဘုရင်တပါးကို ဦးညွှတ်အရိုအသေ ပြုနှုတ်ဆက်လိုက်လို့ တော်တော် စိုးရိမ်စရာတွေဖြစ်သွားလောက်အောင် ကမ္ဘာမှာ အမေရိကန်နိုင်ငံရဲ့ ရပ်တည်မှုက စိုးရိမ်စရာအခြေအနေရောက်နေပြီလား လို့ ပဲ ကျွန်တော်တွေးလိုက်မိပါတော့တယ်။ အမေရိကန်နိုင်ငံရဲ့ နိုင်ငံခြားဆက်ဆံရေးနဲ့ ပတ်သက်ပြီး အငြင်းပွါးချင်သပဆိုရင် ဘာမှ အဓိပါယ်မရှိတဲ့ “နိုင်ငံခြားခေါင်းဆောင်တစ်ယောက်ကို အရိုအသေပေးတာများသွားတဲ့ အမူအရာလေးကို ပျော့ညံ့တာကို ပြတာပဲဆိုပြီး သရော်ဝေဖန်၊ ကြတယ်။ လိုအပ်တာက ရုပ်ဆွအဆုံး အခြေအမြစ်ရှိတဲ့ ဆုံးဖြတ်ချက်နဲ့ ခိုင်မာတဲ့ နည်းဗျူဟာ ကိုတွေ့ပြီး ငြင်းခုန်ကြရမှာလေ။ ကျက်သရေဆောင်အဖြစ်ရပ်တည်ရုံသာရှိတဲ့ ဘုရင်တစ်ပါးကို ဦးညွှတ်အရိုအသေပေးပုံပေးနည်းကို အကြောင်းရှာပြီး ငြင်းရမှာမဟုတ်ဘူးလေ။ ဦးညွှတ်အရိုအသေ ပြုနှုတ်ဆက်ကို ဝေဖန်ကြတာ လုပ်ဇတ်နည်းနည်း ထဲ့ထားသလိုဖြစ်မနေဘူးလား ။ အမေရိကန်နိုင်ငံရဲ့ အနှစ်သာရ ဆိုတာ တကယ်ရှိနေတာထက်တောင် ပေါ့လျော့လှပါတယ်လို့ ကမ္ဘာ ကို ထင်ဟပ်ရုံပဲ ရှိတော့ မပေါ့။


စာကြွင်း ။ ။ ဂျပန်ပြည်တွင်းမှာတော့ ဘယ်သူမှ ဒီကိစ္စကို အဲဒီလောက်တောင် “ဆိုးသည်၊ ကောင်းသည် ”မပြောဆိုကြပါဘူး။ ဘာဖြစ်လို့လဲဆိုတော့ မိန်းခွန်းတွေကို အလွတ်ကျက်ပြီး ရေခဲမုန့်စားနေရတော့ မအားဘူးလေ။

ကိုးကားစာမျက်နှာများ
http://news.goo.ne.jp/article/newsweek/world/newsweek-2009111814557.html?fr=rk http://news.searchina.ne.jp/disp.cgi?y=2009&d=1115&f=national_1115_004.shtml http://news.searchina.ne.jp/disp.cgi?y=2009&d=1117&f=national_1117_025.shtml
http://www.afpbb.com/article/politics/2664517/4921731 http://news24.jp/articles/2009/11/17/10147975.html

သမတအိုဘားမား ဂျပန်ခရီးစဉ် ဂယက်-၂

အခုဂျပန်မှာ အရောင်းရဆုံး အင်္ဂလိပ်စာ လေ့လာစရာ စာအုပ်ကိုပြပါဆိုရင် သမတအိုဘားမား ရွေးကောက်ပွဲအတွင်းက မိန့်ခွန်းများနဲ့၊ မိန့်ခွန်းပေါင်းချုပ် စာအုပ်တွေပါပဲ။ 

သမတအိုဘားမား ရဲ့ ပြီးခဲ့တဲ့   ဂျပန်ခရီးစဉ်နောက်ပိုင်းမှာတော့ အွန်လိုင်းမှာ ဒီအကြောင်းတွေက ပိုပြီး ပလူပျံသလို ပေါ်ထွက်လာပါတယ်။ဂျပန်တွေရဲ့ အာရုံစူးစိုက်မှုထက် အမေရိကန်အပါဝင် အခြားနိုင်ငံများက ပါ ဒီကိစ္စကို သတိပြုမိလာပါတော့တယ်။ 

အင်္ဂလိပ်စာ လေ့လာစရာစာအုပ်ရောင်းကောင်းတယ်ဆိုရင် အုပ်ရေ ၄သိန်းပါ။ ဒါပေမယ့် အခုအဲလို မဟုတ်ပါဘူး။ သမတအိုဘားမားမိန့်ခွန်းကို အကြောင်းပြုပြီးထုတ်တဲ့စာအုပ်ဆိုလို့ကတော့ အဲဒီ အုပ်ရေထက်ကို ကျော်သွားပါပြီ။ နောက် အင်တာနက်စာမျက်နှာများပေါ်မှာလည်း သမတအိုဘာားမားနဲ့ ပတ်သက်တဲ့ အင်္ဂလိပ်စာ လေ့လာစရာ ၀က်ဗ်ဆိုက်တွေကလည်း အများကြီးရှိပါတယ်။

သမတအိုဘားမားမိန့်ခွန်းများကို ဂျပန်ဘာသာနှင့် ရှင်းပြထားသော ၀က်ဗ်ဆိုက်သင်ခန်းစာများ ။၂၀၀၉၊၁၁။၁၅ တိုကျို စမ်တိုရီ ဟော်တယ်တွင်မြွက်ကြားခဲ့သော မိန်းခွန်း ဂျပန်ဘာသာပြန် ၊ အိုဘားမားရဲ့ အင်္ဂလိပ်စာကိုလေ့လာကြပါစို့ ၀က်ဗ်ဆိုက် ၊ ရာဟူး အွန်လိုင်းဈေးဝယ်ခြင်းဖြင့် ၀ယ်နိုင်တဲ့ ALC company ထုတ် အိုဘားမား အင်္ဂလိပ်စာ စာအုပ်များ ၊ အမေဇုံ အွန်လိုင်းကနေရောင်းတဲ့ အိုဘားမားနှင့်ဆိုင်သော အင်္ဂလိပ်စာ စာအုပ်ပေါင်း ၄၂အုပ်၊

သမတအိုဘားမား ရဲ့မိန့်ခွန်းတွေကို အင်္ဂလိပ်စာလေ့လာဘို့အတွက် ဖတ်စာအုပ်များ ＣＤ၊ＤＶＤနဲ့ အင်တာနက်အွန်လိုင်းပေါ်က ၀က်ဗ်ဆိုက်များဟာ အခုဆိုရင် ဂျပန်မှာ အများအပြားကို ပေါ်ထွက်တဲ့ အပြင်၊ ရောင်းအားနဲ့ လူကြိုက်များမှု ကလည်း များသထက်များလို့လာနေပါတယ်။ ဂျပန်နိုင်ငံ က သမတအိုဘားမားလူကြိုက်များမှုကို အမေရိကန်နိုင်ငံမှာ ဂျပန်နိုင်ငံနဲ့ပါတ်သက်ပြီး စကားပြောရင် အဲဒီအကြောင်းက မပါရင်မပြီး ဆိုသလို။ နယူးယောက် တိုင်းမ်စ် သတင်းစာမှာ “သမတအိုဘားမား ၊ ဂျပန်မှာတော့ အင်္ဂလိပ်စာ ဆရာ” ဆိုတဲ့ ခေါင်းစဉ်နဲ့ ဆောင်းပါးတောင်ပါလာပါတယ်တဲ့။ ဆောင်းပါးမှာဖေါ်ပြထားတာကတော့ “ဂျပန်နိုင်ငံ မှာ ထုတ်ဝေရောင်းချတဲ့ ＣＤပါတဲ့ သမတအိုဘားမားမိန့်ခွန်းစာအုပ်တွေရဲ့ ရောင်းအားဟာ အုပ်ရေ၊ ၅သိန်းကျော်လောက်ထိ ရှိတဲ့အပြင်၊ သမတအိုဘားမားကို အကြောင်းပြုပြီး ထုတ်ဝေရောင်းချတဲ့ အင်္ဂလိပ်ဘာသာလေ့လာစရာ အခြား စာအုပ်များ ကိုလည်း ရှိပါသေးတယ်။ သမတအိုဘားမား ဟာ၊ ပြောမယ်ဆိုရင် ဂျပန်မှာ အင်္ဂလိပ်စာ ဆရာအဖြစ်နဲ့ ရပ်တည်မှု ကိုပါ ရယူထားတယ်လို့ ပြောနိုင်ပါတယ်” တဲ့။

ဂျပန်မှာ အင်္ဂလိပ်စာဆရာလုပ်တဲ့ အမေရိကန်လူမျိုး Ｇｅｏｆｆ　Ｄｅａｎ က သူ့ရဲ့ Top Secret ဘလောက်မှာ အဲဒီအကြောင်းတွေကိုရေးသားထားပါတယ်။  သူ့ရဲ့ အင်တာဗျုးတစ်ခုမှာလည်း “ဂျပန်မှာ အိုဘားမားနဲ့ပတ်သက်တဲ့ အင်္ဂလိပ်စာလေ့လာတဲ့ စာအုပ်နဲ့ စီဒီတွေ အလွန်ကို ရောင်းရပါတယ်။ လေ့လာစရာစာအုပ်စာတမ်း စီဒီတွေနဲ့ စာမေးတဲ့ သူတွေလည်း တော်တော်များတယ်။ သမတကျမ်းသစ္စာ ကြိမ်ဆိုတဲ့ မိန်းခွန်းကို အလွတ်ကျက်တဲ့ သူတောင်ရှိတယ်ဗျာ” “ စိတ်ဝင်စားစရာကောင်းတာက သမတဘွတ်ရှ်၊ သမတဖြစ်တာ ဘယ်သူမှ ဘွတ်ရှပ်ရဲ့မိန်းခွန်းကို အင်္ဂလိပ်စာလေ့လာဘို့ရယ်လို့ တစ်ယောက်မှမရှိခဲ့ပါဘူး။ပြောကြမယ်ဆိုရင် ဘွတ်ရ်ှရဲ့ အင်္ဂလိပ်စာကမှ ပိုပြီး မိခင်ဘာသာစကားကို ပြောနိုင်တယ်လို့ ဆိုရမှာလေ။ မတတ်နိုင်ဘူးဗျာ ၊ ဘယ်လိုလုပ်မလဲ”


ကိုးကားစာမျက်နှာ
http://nothingbutthespin.wordpress
http://nothingbutthespin.wordpress.com/2009/10/13/obama-is-japans-best-english-teacher/

သမတအိုဘားမား ဂျပန်ခရီးစဉ် ဂယက်-၁

အမေရိကန်သမတ အိုဘားမား ရဲ့ ပထမဦးဆုံးအကြိမ်သမတရဲ့သမိုင်းဝင်အာရှခရီးစဉ်အဖြစ် ၊ 

ဒီလ၁၂ရက်နေ့ကနေ ၁၉ရက်နေ့အထိ ဂျပန်၊ စင်္ကာပူ၊ တရုတ်၊ကိုရီးယားနိုင်ငံတို့ကို လှည့်လည်ခဲ့တဲ့ အထဲက ဂျပန်နိုင်ငံကိုလာသွားတဲ့ ခရီးစဉ်နဲ့ပါတ်သက်ပြီး အမေရိကန်နိုင်ငံနဲ့ ဂျပန်နိုင်ငံ တို့မှာ ဂယက်ရိုက်မှု ၃ခုရှိခဲ့ပါတယ်။ 
သမတအိုဘားမား နဲ့ မာ့ချာ့ ရေခဲမုန့် ဂယက်-၁။
သမတအိုဘားမား တဖြစ်လဲ အင်္ဂလိပ်စာဆရာ ဂယက်-၂။
သမတအိုဘားမားနဲ့ ဦးညွှတ်အရိုအသေပေးခြင်း ဂယက် -၃။

ပထမဦးဆုံးမိတ်ဆက်ပေးချင်တဲ့ ဂယက်ကတော့ သမတအိုဘားမား နဲ့ မာ့ချာ့ ရေခဲမုန့် ဂယက် ပါ။ 

သမတအိုဘားမားက ဂျပန်ခရီးစဉ်အတွင်းသူ့ရဲ့မိန့်ခွန်းထဲမှာ ငယ်စဉ်က မိခင်နဲ့အတူ ကာမာ့ကူရာ့ ဘုရားကြီးရှိရာကိုရောက်ဘူးခဲ့ကြောင်းကို အခုလိုပြောခဲ့ပါတယ်။ “အခုထက်ထိမမေ့နိုင်တာက ငြိမ်းချမ်းလှတဲ့ အဲဒီဘုရားကြီး ကို မော့ကြည့်ဖူးမြော်ခဲ့ပါတယ်။ အဲဒီထက် ကျွန်တော့ကိုပိုပြီး စွဲဆောင်ခဲ့တာကတော့ အဲဒီနေရာမှာ ကျွန်တော့အမေ၀ယ်ကျွေးခဲ့တဲ့ မာ့ချာ့ရေခဲမုန့် ဖြစ်ပါတယ်” လို့ အရွှန်းဖေါက်လိုက်တာ မိန့်ခွန်းနားထောင်သူများအပါအ၀င်၊ ဂျပန်လူမျိုးများကတော့ အလွန်သဘောကျသွားကြပါတယ်။ အဲ့ဒီမိန့်ခွန်းပြောပြီးလို့ ညဘက် ၊ ဂျပန်ဝန်ကြီးချုပ် ဟာ့တိုယာမာ့ ကတည်ခင်းတဲ့ ညစာစားပွဲမှာ မာ့ချာ့ရေခဲမုန့်ကို ချက်ချင်းထည့်သွင်းဧည့်ခံခဲ့ပါတယ်။ နောက်နေ့ကစပြီး ရေခဲမုန့်ဆိုင်တွေမှာ မာချာ့ရေခဲမုန့်တွေ အရောင်းသွက်ခဲ့ပြီး အထူးသဖြင့် ကမ္ဘာလှည့် ခရီးသည်များနဲ့ဂျပန်လူမျိုးအများလည်ပတ်ရာနေရာ ခရီးသွားလည်ပတ်စရာ နေရာတစ်ခုဖြစ်တဲ့ ကာမာ့ကူရာ့ဘုရားကြီးရှိရာအရပ်က ရေခဲမုန့်ဆိုင်တွေ အလွန်ကိုရောင်းကောင်းခဲ့ပါတယ်။ 

အဲဒီအရပ်ကရေခဲမုန့် ဆိုင်ပိုင်ရှင်တစ်ဦးက “ပုံမှန် အရောင်းရဆုံးက ဗနီလာ ရေခဲမုန့်ပါ။ ဒါပေမယ့် သမတအိုဘားမားမိန့်ခွန်းကြောင့် မာ့ချာ့ရေခဲမုန့်တွေ လက်ကျန်မရှိအောင်ရောင်းရပါတယ်။ ဒီအရပ်မှာ ရေခဲမုန့် ဆိုင်တွေကအများကြီး၊ သမတအိုဘားမားကလည်းကလေးအရွယ်ဆိုတော့ ရောင်းသူတွေကလည်း သမတအိုဘားမား၊ကိုယ့်ဆိုင်လာဘူးတယ် မလာဘူးဘူးဆိုတာမသိပါဘူး။ အဲလိုဆိုတော့ ဆိုင်တိုင်း ၊ ဟိုဆိုင်လားဒီဆိုင်လားမသိ ၊ အကုန်လုံးရောင်းကောင်းကြပါတယ်” တဲ့။ 

မာ့ချာ့ ဆိုတာကတော့ ဂျပန်ရေနွေးကြမ်း စိမ်းစိမ်း ဖြစ်တဲ့ လဘက်ခြောက် ကိုပြောတာပါ။လဖက်ခြောက်နဲ့လုပ်ထားလို့ ခါးခါးစိမ်းစိမ်းကြီးလို့ ထင်စရာပါ။ ဒါပေမယ့် ဖက်ဖူးရောင်နုနု နဲ့ စားလိုက်ရင် ဖန်သလိုနဲ့ချို တစ်ခါစားပြီးလို့ကတော့ နောက်တစ်ခါမြင်ရင် သားရေယိုစရာ အရသာမျိုးပါ။ ဂျပန်လိုကတော့ ဗူးနဲ့ထဲ့ရောင်းတာ အထုပ်နဲ့ရောင်းတာကို “မာ့ချာ့အိုက်စ် ”၊ ရေခဲမုန့် ကတော့ခွက်နဲ့ရောင်းတာကို တော့ “ မာ့ချာ့ ဆော့ဖ်ကရင်မ် ”လို့ခေါ်ပါတယ်။ ကြုံလို့ကတော့ အမြီးသဘောစမ်းစားကြည့်ပါ။ 

လုံးဝကြိုက်သွားပါလိမ့်မယ်။ ဂျပန်ရေနွေးကြမ်းခါးခါးကို ငြင်းပယ်သူတွေတောင် မာ့ချာ့ ရေခဲမုန့်ကို စားဘူးရင် ကြိုက်သွားကြပါတယ်။ ပြောဘို့တောင်မေ့နေတယ် ၊ လဘက်ရဲ့ ထူးကဲတဲ့ အနံ့ရယ် ရေခဲမုန့်ရဲ့အမွှေးနံ့လေးရယ်ပေါင်းပြီး စွဲမက်စရာစားချင်ဘွယ် အနံ့လေးရှိပါတယ်။

ဓါတ်ပုံများကူးယူရရှိရာနေရာများ http://image-search.yahoo.co.jp http://item.rakuten.co.jp/honjien/10000330/

ဇမ်းဇိုင်း

ကောက်ညှင်း ပဲရည် ပူပူလေး

ကောက်ညှင်းပူပူမီးကင်လေးကို ကောက်ညှင်းကူပဲပြုတ်ရည်နွေးနွေးထဲကိုထည့်ပြီး စားတဲ့ ဂျပန်ရိုးရာ အစားအစာတစ်ခုပါ။ ခံတွင်းလိုက်စရာ သရေစာတစ်မျိုးပါ။ လုပ်ရတာလည်း လွယ်ပြီး။ မြန်လည်းမြန်ပါတယ်။　
ကောက်ညှင်းခဲအထုတ်ကိုဝယ်ပြီး မီးကင်ပါတယ်။
ကောက်ညှင်းအခဲကတော့ ကောက်ညှင်းမှုန့်ကို ပေါင်းပြီး အခြောက်ခံထားတဲ့ အတုံးပါ။
　　　　　　　　　　　　
　　　ကောက်ညှင်းတုံးတွေဖေါင်းပြီး 　　　　　　　　　　　အနီရောင်သန်းစပြုရင်ရပါပြီ။

ပဲပြုတ်ပြီးသားအထုတ်ကို ၀ယ်ပြီး နွေးပါတယ်။ အဲဒီပဲပြုတ်ရည် က ဘယ်လိုမျိုးလည်းဆိုရင်၊မြန်မာပြည်မှာ ကောက်ညှင်းကူပဲလို့ခေါ်တဲ့ ကောက်ညှင်းပေါင်းပေါင်းရင်ထည့်တဲ့ ပဲကို နူးနေအောင်သကြားနဲ့ ပြစ်ပြစ် ကလေး ပြုတ်ထားတာပါ။ ခပ်ပူပူနွေးနွေး အခြေအနေမှာ သူတို့နှစ်ခုကိုရောပြီး စားရုံပါပဲ။


စားလိုက်တဲ့ အချိန်မှာ ပဲများများနဲ့နပ်နေအောင်ပေါင်းထားတဲ့ ကောက်ညှင်းပေါင်းအနံ့ နဲ့ အတူ၊ ၀ါးလိုက်ရင် အိကနဲ၊ စေးကနဲဖြစ်ပြီး  ချိုတိုတိုနဲ့ မျိုချလိုက်တဲ့ အခါမှာတော့ ပူပူနွေးနွေးနဲ့ စားလို့ကောင်းပါတယ်။ မြန်မာလူမျိုးတွေအတွက် ခံတွင်းတွေ့နိုင်တဲ့ ဂျပန်သရေစာ တစ်မျိုးမို့လို့ စားကြည့်ပါလို့ တိုက်တွန်းချင်ပါတယ်။ ဇမ်းဇိုင်း ぜんざいလို့ခေါ်ပါတယ်။
သူနဲ့တူတဲ့ သရေစာမျိုး တခြားနိုင်ငံ တွေမှာလည်းရှိမှာပဲနော်။

ဓါတ်ပုံတစ်ချို့ကို ယူတဲ့နေရာကတော့
ぜんざい by メアリーローズ

သူတို့ရဲ့ နိုင်ငံတော်သီချင်း

君が代は

千代に八千代に

さざれ石の

巌（いわお）となりて

苔（こけ）のむすまで

– 君が代, 日本の国歌

 အင်္ဂလိပ်စာလုံးနဲ့ အသံထွက်တွေကိုရေးမယ်ဆိုရင်တော့

Kimi ga yo wa
Chiyo ni
Yachiyo ni
Sazare ishi no
Iwao to narite
Koke no musu made

သီချင်းခေါင်းစဉ်က “ခိမိဂါ့ယော” ဖြစ်ပါတယ် ။ “ခိမိဂါ့ယော” ဆိုတဲ့ အဓိပါယ်ကတော့ “အရှင်မင်းရဲ့ ကမ္ဘာ” ဆိုတာကို ကဗျာဆန်တဲ့ စကားလုံးနဲ့ ဖွဲ့သီထားတာဖြစ်ပါတယ်။ဒီသီချင်း ကို သက္ကရာဇ်၁၈၈၀ခုနှစ် မှာ ဂျပန်နိုင်ငံတော်သီချင်း အဖြစ် သတ်မှတ်ခဲ့ပြီး ၁၉၉၉ခုနှစ် မှာ၊ ဂျပန်အစိုးရက နိုင်ငံတော်အလံနှင့် နိုင်ငံတော်သီချင်း ဥပဒေနှင့်အတူ ပြန်လည်ပြဌာန်း အတည်ပြုထုတ်ပြန်ခဲ့တယ်လို့ သိရပါတယ်။ ၁၀ရာစုလောက်က ဂျပန်နိုင်ငံမှာ စတင်ခဲ့တယ်လို့ ယူဆရတဲ့ ရှေးဟောင်းကဗျာအမျိုးအစားများထဲမှ “တန်းခါ့”လို့ခေါ်တဲ့ ကဗျာတိုအမျိုးအစား တစ်ပုဒ်ပါ။

ကမ္ဘာ့နိုင်ငံအသီးသီးက နိုင်ငံတော်သီချင်းတွေထဲမှာ ရှေးအကျဆုံးဖြစ်တယ်လို့ ဖတ်ရပါတယ်။ ဒီသီချင်းကို အင်္ဂလိပ်လိုဘာသာပြန်ဆိုခဲ့တဲ့ အင်္ဂလိပ်လူမျိုး ဂျပန်သုတေသနပညာရှင် မစ္စတာ ဘာစီလ် ဟော ချိန်ဘာလင် (၁၈၅၀-၁၉၃၅) Basil Hall Chamberlain က အောက်ပါအတိုင်း အင်္ဂလ်ိပ်ဘာသာသို့ပြန်ဆိုခဲ့ပါတယ်။

A thousand years of happy life be thine!
Live on, my Lord, till what are pebbles now,
By age united, to great rocks shall grow,
Whose venerable sides the moss doth line.

နောက်ထပ်နားလည်လွယ်တဲ့ အင်္ဂလိပ်လို ဘာသာပြန်လေးကတော့
May your reign
Continue for a thousand, eight thousand generations,
Until the pebbles
Grow into boulders
Lush with moss

သီချင်းထဲမှာပါတဲ့ “စာဇာ့ရက် ကျောက်စရစ်လေး”တွေက နှစ်တွေကြာလာတာနဲ့အမျှ ပိုသေးငယ်သွားတာမဟုတ်ပဲ ဒီလိုကျောင်ဆိုင်ခဲကြီးဖြစ်လာတာကို ဂျပန်တို့ ယုံကြည်တဲ့ ပုံပြင်များရှိသလို အထူးအမြတ်လည်းထားကြပါတယ်။ တိုကျိုမြို့ “ရှီမိုဂါ့မို ဘုရားကျောင်းမှာရှိတဲ့ ကျောက်ဆိုင်ခဲကြီး ဓါတ်ပုံကိုလည်း ပူးတွဲတင်ပြလိုက်ပါတယ်။

ကျွန်မအနေနဲ့ ဒီသီချင်းကို မြန်မာလို ဘာသာပြန် ခံစားထားတာလေးကိုလည်းဖတ်ကြည့်ပေးပါအုန်းနော်။
♪　♪　♪

ငါတို့ရဲ့ အရှင်၊ မိုးအောက်သခင် ဘုရင်မင်း ၊ ရာကျော်သက်တော်ရှည်ပါစေ။　♪　♪　♪

ယခုမြင်ရ သေးလှကျောက်စရစ်ငယ် ကျောက်တောင်ကြီးသို့ဖြစ်မယ်။　♪　♪　♪

ရာသီနှစ်ပြောင်း ကျောက်အပေါင်းဝယ် ကုဋေထူထပ် မှော်ရေညှိတို့ကပ်တွယ်။　♪　♪　♪

ထိုချိန်သို့တိုင် တန်ခိုးခိုင်မာ နှစ်ပရိစ္ဆေကြာ သင်္ချေကမ္ဘာတည်ပါစေ။　♪　♪　♪

ကျမ်းကိုးစာမျက်နှာ http://ja.wikipedia.org/wiki/%E5%90%9B%E3%81%8C%E4%BB%A3 http://ja.wikipedia.org/wiki/%E5%90%9B%E3%81%8C%E4%BB%A3

http://en.wikipedia.org/wiki/Kimigayo

who's top who's not

ဘယ်သူက “ထိပ်စီး” ဘယ်သူက “ဘိတ်ချီး”


ကမ္ဘာ့ အကြွယ်ဝဆုံးနိုင်ငံ နံပါတ် ၁ က ဖင်လန်နိုင်ငံ၊ ဂျပန်နိုင်ငံကတော့ နံပါတ် ၁၆ (အာရှမှာတော့ နံပါတ် ၁ တဲ့)။


၂၀၀၉ခုနှစ်အောက်တိုဘာလ ၂၆ရက်နေ့မှာ ပုဂ္ဂလိက သုတေသနအဖွဲ့အစည်းတစ်ခုဖြစ်တဲ့ လက်ဂါတမ်မ် သုတေသနအဖွဲ့ကနေ ၂၀၀၉ခုနှစ်အတွက် “လက်ဂါတမ် ဓနကြွယ်ဝ ကိန်းဂဏန်းများ ” နှိုင်းယှဉ်ချက် သုတေသနစစ်တမ်း ကို ထုတ်ပြန်ကြေငြာလိုက်ပါတယ်။


ဒီသုတေသနပြုချက်ဟာ ကမ္ဘာ့လူဦးရည်ရဲ့ ၉၀%ကို ကိုယ်စားပြုတဲ့ နိုင်ငံပေါင်း ၁၄၀ရဲ့ ပထ၀ီအနေအထား၊ စီးပွါးရေးတိုးတက်မှု ဒီမိုကရေစီလွတ်လပ်ခွင့်၊ လူနေမှု အဆင့်အတန်း စတာတွေကို မူတည်ပြီး လေ့လာစစ်တမ်းကောက်ယူမှုကရရှိတဲ့ ကိန်းဂဏန်းများဖြစ်ပါတယ်။
နှိုင်းယှဉ်ဇယားရဲ့ ထိပ်ပိုင်းနေရာကို ယူထားတဲ့ နိုင်ငံများကို ကြည့်မယ်ဆိုရင် နံပါတ် ၂နေရာကို ဆွစ်စ်နိုင်ငံ၊ နံပါတ် ၃ နေရာကို ဆွီဒင်နိုင်ငံ၊ နံပါတ် ၄ နေရာကို ဒိန်းမတ်နိုင်ငံ၊ နံပါတ် ၅ နေရာကို နော်ဝေးလ်နိုင်ငံ နဲ့ မြောက်ဥရောပနိုင်ငံများကိုတွေ့ရမှာဖြစ်ပါတယ်။ သြစတြေးလျားနိုင်ငံကနံပါတ် ၆၊ကနေဒါနိုင်ငံက နံပါတ် ၇၊ အမေရိကန်နိုင်ငံကနံပါတ် ၉နဲ့ အင်္ဂလန်နိုင်ငံက နံပါတ် ၁၂ တို့ဖြစ်ကြပါတယ်။
အာရှဘက်ကိုကြည့်ရင်တော့ ဂျပန်က နံပါတ် ၁၆နေရာကနေ ဦးဆောင်နေပြီး၊ ဟောင်ကောင်နိုင်ငံက နံပါတ် ၁၈၊ စင်္ကာပူနိုင်ငံက နံပါတ် ၂၃၊ ထိုင်ဝမ်နိုင်ငံက နံပါတ်၂၄ နေရာတွေနဲ့ ဒီ၂၀၀၉ခုနှစ်မှာ နေရာယူထားကြပါတယ်။ စီပွါးရေးတိုးတက်မှုကို အထင်ကရပြောင်းလည်းပစ်မယ်လို့ ကြွေးကြော်ထားတဲ့ တရုပ်ပြည်သူ့သမ္မတနိုင်ငံကြီးကတော့ နံပါတ် ၇၅နေရာကို ရောက်နေပါတယ်။


လက်ဂါတမ်မ် သုတေသနအဖွဲ့ရဲ့ ဒုတိယခေါင်းဆောင်　ဒေါက်တာ ၀ီလီယမ် အင်ဗိုးဒင် ကပြောတာကတော့ “အာရှနိုင်ငံအသီးသီး ရဲ့ နံပါတ်စဉ်တွေကို ကြည့်မယ်ဆိုရင် နံပါတ်စဉ် အောက်ဘက်ပိုင်းက နိုင်ငံတွေအလိုက် ဒီမိုကရေစီဝါဒ နဲ့ တစ်ဦးချင်းစီအလိုက် လွတ်လပ်ခွင့် နှင့်ပါတ်သက်တဲ့အပိုင်းတွေမှာ အမှတ်ကျသွားတဲ့အတွက်ကြောင့် အခုလိုအောက်ဘက်ပိုင်း ရောက်ရတာပါ။ အာရှ နိုင်ငံအတော်များများ ဟာ စီးပွါးရေး အခြေခံ အုပ်မြစ်တွေက ကောင်းပါတယ်။ ဒါပေမယ့် ကျွန်တော်တို့ သုတေသနစစ်တမ်းရဲ့ ဓနကြွယ်ဝ မှုဟာ ငွေကြေးတစ်ခုတည်းကို ကိုယ်စားပြုတာမဟုတ်ပါဘူး ။ ”
အောက်ဘက်မှာ “ထိပ်စီး” နိုင်ငံ ၂၀နဲ့ “ဘိတ်ချီး”၁၀ နိုင်ငံ ကို ဖေါ်ပြထားပါတယ်။


TOP TWENTY COUNTRIES
1. Finland
2. Switzerland
3. Sweden
4. Denmark
5. Norway
6. Australia
7. Canada
8. Netherlands
9. United States
10. New Zealand
11. Ireland
12. United Kingdom
13. Belgium
14. Germany
15. Austria
16. Japan
17. France
18. Hong Kong
19. Spain
20. Slovenia


BOTTOM TEN COUNTRIES
95. Kenya
96. Algeria
97. Tanzania
98. Nigeria
99. Pakistan
100. Cameroon
101. Central African Republic
102. Yemen
103. Sudan
104. Zimbabwe
“လက်ဂါတမ် ဓနကြွယ်ဝ ကိန်းဂဏန်းများ ” သုတေသနစစ်တမ်းးအရ တွေ့ရှိရသည့် “အဓိက သော့ချက်” များကိုလည်း သော့ချက် ၉ခုနဲ့ရှင်းပြထားပါတယ်။ အထက်ဖေါ်ပြပါ နံပါတ်စဉ် ဟာ ရှုထောင့်ပေါင်းစုံကနေ ယေဘူယျအနေနဲ့ အကောင်းဆုံးကိုထိပ်ဆုံးကစပြီး စီသွားတာဖြစ်ပါတယ်။ နံပါတ်စဉ်အားလုံးဟာ တသသမတ်တည်း အပေါ်အောက်ဖြစ်နေတာမဟုတ်ပါဘူး။ ဥပမာ။ စီးပွါးရေး အခြေခံအုပ်မြစ်များ ( တိုးတက်မှုအခြေအနေ ၊ ဒုတိယတန်းစား စီးပွါးရေးအဆောက်အဦများဧ။် အကျိုးသက်ရောက်မှု)။ ပညာရေး (ပညာသင်နိုင်မှု၊ အဆင့်မြင့်ပညာရေးအခြေအနေ၊ လူသားရင်းမြစ် ပျိုးထောင်ရေး။ အနာဂါတ်အလားအလာ)။ စီးပွါးရေးလုပ်ငန်းများ ခံယူချက်နှင့် စွန့်စားတီထွင်မှု (ပတ်ဝန်းကျင်နှင့် သဟာဇာတဖြစ်ခြင်း၊ လုပ်ငန်းအသစ်များနှင့် ကူးသန်းရောင်းဝယ်ရေး တို့၌ အမြင်ကျယ်မှု နှင့် အတွေးအခေါ်သစ်ရှိမှု)၊ အစိုးရအုပ်ချုပ်ရေး ( ရိုးသား ၍ အရည်အချင်းရှိသော အစိုးရ၊ လုံခြုံနွေးထွေးသော ဥပဒေအာဏာများရှိခြင်း၊ ကုန်ထုပ်လုပ်မှုအားကောင်းသော နိုင်ငံသားများ ဖြစ်ခြင်း) ။ ကျန်းမာရေး ( လူဦရည်နှင့် ကျန်းမာရေးနှင့်ညီသော နေထိုင်မှု အခြေအနေ)၊ တစ်ဦးချင်းစီလွတ်လပ်မှု ( ပုဂ္ဂလိက လွတ်လပ်ခွင့် နှင့် နေထိုင်မှုဘ၀ကို ရွေးချယ်နိုင်ခြင်း)။ လုံခြုံမှု (လူသားအတွက် အခွင့်အလမ်းများ ရရှိစေသည့် လုံခြုံသော ပတ်ဝန်းကျင်)။ လူမှူပတ်ဝန်းကျင် (ယုံကြည်စိတ်ချရသည့် ဆက်ဆံမှုကြောင့် ရရှိသည့် ခိုင်မာသည့် အဖွဲ့အစည်းများ ရှိနိုင်မှု )စတာတွေနဲ့လိုက်ပြီး နိုင်ငံအလိုက် ထပ်မံ အသေးစိတ်ခွဲခြား သုတေသနပြုထားပါတယ်။ 

မူရင်း ဇယား ပါ။ လက်ဂါတမ်မှ ထုတ်ပြန်သော အင်္ဂလိပ်လို သတင်းလွှာ ပါ။ အွန်လိုင်းဂျပန်လို သတင်းတို ပါ။
မိမိစိတ်ဝင်စားသောနိုင်ငံ တစ်ခုချင်းကိုသော်၎င်း နိုင်ငံနှစ်ခုကိုသော်၎င်း၊ ကြိုက်နှစ်သက်ရာ ယှဉ်တွဲလေ့လာနိုင်ပါတယ်။ လက်တွေ့နှိုင်းယှဉ် ကြည့်ချင်တယ် စာမျက်နှာ ရဲ့ ညာဘက် အောက်နားက Compare countries ဆိုတဲ့ နေရာမှာ နိုင်ငံတွေကို ရွေးပြိး Go ကိုနှိပ်လိုက်ကြည့်လိုက်ပါ။ 

ကျွန်မစိတ်ဝင်တာနဲ့  လက်တွေ့နှိုင်းယှဉ်ကြည့်လို့ ရလာတဲ့ပုံပါ။ ပါဝင်တဲ့နိုင်ငံတွေကတော့  ဒိန်းမတ်၊ ကနေဒါ ၊ ဂျပန် ၊ စင်္ကာပူ တို့ပါ။ပုံမှာတွေ့မြင်ရသလိုပါပဲ နိုင်ငံအလိုက် သက်ဆိုင်ရာ သူ့အားသာချက်နဲ့ သူ ရှိတာတွေကိုလည်း  လေ့လာသိရှိနိုင် ပါတယ်။

 ဒီပို့စ်ရဲ့မူရင်း အင်တာနက်စာမျက်နှာကိုဖတ်ပြီး ၊ ဒီပို့စ်လေးကို ရေးလိုက်အပြီးမှာ ကျွန်မလည်း အနည်းငယ်အနားယူဖို့အတွက် မျက်စိစုံမှိတ်ပြီး သီချင်းတပုဒ်ကိုညည်းလိုက်မိပါတယ်။ သီချင်းလေးက


“ဆင်းရဲခြင်း….လွတ်ကင်းအောင်……လမ်းပြဆောင်ပါမည်၊ ရတနာခုနှစ်သွယ် တကယ်ပင်စုံညီ တို့အမျိုးသားတိုင်းပြည် မွဲတဲ့သူ လှူဒါန်းနိုင်မည် ၊ ကျောင်းဆောက်ခါ ဘုရား-----ပါတည်၊ ဘိုးဘိုးအောင်နဲ့ ရှင်အဇ္ဇဂေါဏ တို့ မ တဲ့ကိန်းဆိုက်မည် ကျန်းကျန်းမာမာ ချမ်းချမ်းသာသာ ဘေးရန်ကာဆီးမည် လူမွဲတွေက မနှေးခေတ်မီ သူဌေးဖြစ်တော့မည် တို့နဂါးနီ၊ …. နေရေးနဲ့စားသောက်ရေးမှာ မနှေးအောင်ပင်ချောင်လည် ရမည်၊ …. လူမွဲများစိတ်ချမ်းသာအောင် ကြံဆောင်မည် တို့နဂါးနီ၊ …………ဘာသာရောင်သာသနာရောင် ထွန်းလင်းပြောင်မည်၊ ကောင်းစားမည် တို့နဂါးနီ ရွှေမိုး ငွေမိုးရွာမည်…… သိဒ္ဓိအဖုံဖုံ လုံခြုံစေမည် နေ့စဉ်ညစဉ် ဖိုဠ်မထိုးပဲ………အကျိုးပေးနိုင်မည်”
သီချင်းက အစီအစဉ်မကျဘူးဖြစ်နေတယ်နော်။

စာကြွင်း။ ။ ရေးတာတွေများပြီး အဓိက ကိုမေ့သွားတယ်။
ကျွန်မကို ဒီအကြောင်းတွေကို သိနားလည်အောင် မွေးဖွားကြီးပြင်းစေခဲ့တဲ့ ကျွန်မတို့ရဲ့ အမိမြေကတော့ သုတေသနစစ်တမ်းမှာ ပါဝင်ခဲ့မယ်ဆိုရင် ဘယ်နံပါတ်လောက်များဖြစ်မလဲလို့ တွေးမိပါတယ်။
“ဘိတ်ချီး”ဆိုတဲ့စကားလုံးကို “ထ်ိပ်စီး”နဲ့ လိုက်အောင်တွဲပြီးသုံးထားတာဖြစ်ပါတယ် သီးခံပြီးဖတ်ပေးပါ။

မိန်းမတစ်ယောက်ရဲ့ “မနက်ခင်းပုံပြင်”

မနက်ခင်း ပုံပြင်

ညအိပ်ရာဝင် ပုံပြင်မဟုတ်ပါဘူး။ တစ်ကယ်ကို မနက်မိုးလင်း ပုံပြင်ပါ။ ဒီပုံပြင်လေးကို မပြောခင်၊ ကျွန်မရဲ့ အတွေ့အကြုံလေးတစ်ခုကို အရင်ပြောပြပါရစေ။

ကျွန်မ ဂျပန်မှာကျောင်းတက်ဘို့ အတွက် နာဂိုယာမြို.ကို စရောက်ပါတယ်။ ကိုယ်စားရိတ်နဲ့ကိုယ် ကျောင်းတက်ရတဲ့ဘ၀ဆိုတော့ အချိန်ပိုင်းအလုပ်ကို မလုပ်လို့မရပါဘူး။ အချိန်ပိုင်းအလုပ်ကို လုပ်ရင်းနဲ့ကျောင်းတက်ရတာပေါ့နော်။ ကျောင်းပိတ်ချိန်တွေမှာ ဆိုရင် အချိန်ပိုင်းအလုပ်ကို နှစ်မျိုးလောက်လုပ်ရပါတယ်။ဒီလိုအချိန်ပိုင်းအလုပ်၊ လုပ်ရတာကိုတော့ နိုင်ငံခြားမှာ ကိုယ့်စားရိတ်နဲ့ကိုယ် ကျောင်းတက်တဲ့သူတွေ အသိဆုံးပါပဲ။ အဲလိုအချိန်ပိုင်းအလုပ်ကို လုပ်တဲ့အခါ ကျောင်းဖွင့်ရက်တွေမှာ လည်း ကျောင်းစာတစ်ဘက်နဲ့ အလုပ်လည်းဆင်းနိုင်၊ ကျောင်းပြီးတဲ့အထိ လည်း ရေရှည်လုပ်နိုင်မယ့်အလုပ်တစ်ခုကိုတော့ ရွေးလုပ်မှ ဖြစ်မယ် ဆိုပြီး အချိန်ပိုင်းအလုပ် တစ်ခုကိုရွေးခဲ့ပါတယ်။ အဲဒီအတွက်ကျွန်မရွေးခဲ့တဲ့အလုပ်ကတော့ ကော်ဖီဆိုင်ပါ။ နာဂိုယာမြို.မှာနေပြီး ကော်ဖီဆိုင်မှာလုပ်ချင်ရတဲ. အကြောင်းရင်း နောက်တစ်မျိုးရှိပါသေးတယ်။ ခုနကကျွန်မပြောခဲ့တာ ကျွန်မရဲ့ ကိုယ်ရေးကိုယ်တာနဲ့ပတ်သက်တဲ့ အကြောင်းရင်းပါ။ နောက်အကြာင်းရင်းတစ်ခုကတော့ ဂျပန်တစ်နိုင်ငံလုံးနဲ့ကော၊ နာဂိုယာမြို့နဲ့ကော၊ နာဂိုယာမြို့တည်ရှိရာ အာအိချိ ခရိုင် နဲ့ကော၊ ဂျပန်နိုင်ငံရဲ. ကော်ဖီဆိုင်လောက တစ်ခုလုံးနဲ့ကော၊ သက်ဆိုင်ပါတယ်။ အဲဒါကတော့ “မနက်ခင်း ပုံပြင်” ကြောင့်ပါပဲ။

ဂျပန်လူမျိုးတွေအားလုံးနီးပါး ကော်ဖီဆိုင်ရဲ့ “မောနင်းဂု ဆားဗစ်စု” morning service ဆို သိကြပါတယ်။အဓိပ္ပါယ်ကတော့ သူ့ စကားလုံးအတိုင်းပါပဲ။ သိတဲ့အတိုင်းပဲလေ ဂျပန်တွေက တစ်ချို့အင်္ဂလိပ်စာလုံးတွေကို ဂျပန်အသံထွက်နဲ့ပဲပြောပါတယ်။ အတိုကောက် အနေနဲ့ “မောနင်းဂု” လို့ အပြောများပါတယ်။ မနက်စာ ကို ဆားဗစ်စ်ပေးတဲ့ အရောင်းပုံစံတစ်မျိုးပါ။ မနက်စာ ဆားဗစ်စ်ပေးတဲ့ အရောင်းပုံစံဆိုတာကို ရှင်းပြရမယ်ဆိုရင်တေ့ာ ဒီလိုပါ။

ပုံမှန်ဆိုင်မှာ ထိုင်သောက်တဲ့ ကော်ဖီတစ်ခွက်ရဲ့ဈေးဟာ ယန်း၃၀၀ပတ်ဝန်းကျင်ရှိပါတယ်။ ဒါပေမယ့် ခုနက ပြောတဲ့ မောနင်းဂု ဆားဗစ်စု အရောင်းပုံစံနဲ့ရောင်းပြီဆိုရင်တော့ ကော်ဖီတစ်ခွက်စာ ယန်း၃၀၀ နဲ့ ၊ ကော်ဖီတစ်ခွက်တင်မကတော့ ပါဘူး။ ပေါင်မုန့်မီးကင် တစ်ခြမ်း၊ ကြက်ဥပြုတ်တစ်လုံး၊ ဆလပ်ဒ် (ဂေါ်ဖီထုပ် ပါးပါးလှီးကို ဒရက်ဇင်းတမျိုး ဆမ်းထားတဲ့ အသုပ်) ပါတွဲပြီး ပါလာပါတယ်။ ဆိုင်နဲ့လိုက်ပြီး တစ်ချို့ကတော့ ပေါင်မုန့်မီးကင် (သို့) ကြက်ဥပြုတ်ကို ပဲ ဆားဗစ်စ်ပေးတာလည်းရှိပါတယ်။ “မောနင်းဂု” ကိုရောင်းတာ မနက် ၇နာရီလောက်ကနေ ၉နာရီလောက်အထိပါပဲ။ ဒီလိုရောင်းတော့ လူတွေကြိတ်ကြိတ်တိုးနေမှာ လို့ထင်မှာပဲ။ အရမ်းကြိတ်ကြိတ်တိုးတော့ မဟုတ်ပေမယ့်။ တော်တော်ရောင်းရပါတယ်။ အဲဒီတော့ ကျွန်မလည်းအလုပ်များတာပေါ့ ကိစ္စမရှိပါဘူး နှစ်နာရီလောက်ပဲဟာ။ နောက်ပြီးတော့ အဲဒီနှစ်နာရီရဲ. လုပ်ခက သာမာန်အချိန်ထက် ပိုရတယ်လေ။ ပြီးတော့ စားချင်တာလည်းစားခွင့်ရတယ်။ ကော်ဖီဆိုင်တိုင်းလိုလို “မောနင်းဂု” ကို ရောင်းကြတော့ ဆိုင်တွေကလည်း “မောနင်းဂု” ကို ပုံစံမျိုးစုံနဲ့ ရောင်းကြပါတယ်။

နမူနာပုံစံလေးတွေကို အောက်ပါအတိုင်းမိတ်ဆက်တင်ပြလိုက်ပါတယ်။ နေရာဒေသ၊ အချိန်ကာလ၊ ရောင်းချသောဆိုင် ကို မူတည်ပြီး ၊ ပါဝင်သော အစားအသောက် နဲ့ ဈေးနှုန်း ကွာခြားမှု ရှိနိုင်ပါတယ်။

၁။ ယန်း၃၀၀ ပတ်ဝန်းကျင် နဲ့ ကော်ဖီ(သို.) လ္ဘက်ရည် (သို့) နွားနို့ - ပေါင်မုန့်မီးကင် ထောပတ်သုတ်-ကြက်ဥပြုတ်

၂။ ယန်း၃၀၀ ပတ်ဝန်းကျင် နဲ့ ကော်ဖီ(သို.) လ္ဘက်ရည် (သို့) နွားနို့ - ပေါင်မုန့်မီးကင် ထောပတ်သုတ်-ကြက်ဥပြုတ်- ဆလပ်ဒ်



၃။ ယန်း၄၀၀ ပတ်ဝန်းကျင် နဲ့ ကော်ဖီ(သို.) လ္ဘက်ရည် (သို့) နွားနို့ - ဟော့ဒေါ့ပေါင်မုန်.တစ်လုံး- ဆော့ဆေ့ဂ်ျ -ကြက်ဥပြုတ်- ဆလပ်ဒ်

၎။ ယန်း၅၀၀ ပတ်ဝန်းကျင် နဲ့ ကော်ဖီ(သို.) လ္ဘက်ရည် (သို့) နွားနို့ - ဂျပန်ထမင်းဆုပ်- ဂျပန်မီဆော ဟင်းချို- ကြက်ဥပြုတ်

၅။ ယန်း၄၅၀ ပတ်ဝန်းကျင် နဲ့ ကော်ဖီ(သို.) လ္ဘက်ရည် (သို့) နွားနို့ - ဆန်ပြုတ် (ငါးမွှေ)-ရေညှိ- မက်မန်းသီး ဆားရည်စိမ်- ကြက်ဥပြုတ်

၆။ ယန်း၅၀၀ ပတ်ဝန်းကျင် နဲ့ ကြိုက်ရာအ၀စား ဆိုပြီး။ ပေါင်မုန့် မျိုးစုံ၊ ငှက်ပျောသီး၊ ပန်းသီး၊ လိမ္မော်သီး၊ ဆန်ပြုတ်၊ မီဆောဟင်းချို၊ ဆော့ဆေ့ဂ်ျ ၊ ဘေကွန်၊ စတာတွေကို အမျိုးစုံခင်းကျင်းထားပြီး ကော်ဖီ(သို.) လ္ဘက်ရည် (သို့) နွားနို့။ သစ်သီးဖျော်ရည်များ

ဂျပန်ယန်းငွေရဲ့တန်ဘိုးကို ခဏထားပြီး ရောင်းပုံရောင်းနည်းကိုကြည့်မယ်ဆိုရင် ကဲ ဒီလောက်တန်နေမှတော့ သွားစားချင်လာရောမို့လား။ ဒီလိုဆိုင်မျိုး အများဆုံးရှိတဲ့ နေရာကတော့ အာအိချိ ခရိုင်၊ နဂိုယာမြို.ပါ။ ဒါကြောင့် နဂိုယာမြို့မှာ ကျောင်းတက်တုန်း အချိန်ပိုင်းအလုပ်အတွက် ကော်ဖီဆိုင်ကို ရွေးလိုက်ရတာပါပဲရှင်။

အခုလောက်ဆိုကျွန်မပြောချင်တဲ့ “မနက်ခင်း ပုံပြင်” အကြောင်းကို သိသွားပြီလို့ထင်ပါတယ်။ တကယ်ပြောမယ့် “ပုံပြင်”က အခုမှ စမှာပါ။ ကျွန်မလည်း ဒီလို နံမည်ကြီးပြီး ကျွန်မအတွက်လည်း အဆင်ပြေတဲ့ ဒီအလုပ်ကို ရွေးလုပ်ပြီးခါမှ အရမ်းကို အလုပ်ရှုတ်တဲ့တစ်နေ့မှာ ဒီ “မောနင်းဂု ဆားဗစ်စု” ကိုဘယ်သူတီထွင်လိုက်တာလည်းဆိုတာ သိချင်သွားပါတယ်။ အားတဲ့ အချိန်မှာ ဆိုင်ခေါင်းကို မေးကြည့်တော့မှပဲ “မနက်ခင်း ပုံပြင်” ကို သိခဲ့ရပါတော့တယ်။

၁၉၅၀နှစ်များလောက်က ဂျပန်နိုင်ငံ အာအိချိ ခရိုင်၊ မာ့ဆုယာမာ့ မြို့၊ အိချိနိုမိယာ့မြို့တို့ ဘက်မှာ ရှိတဲ့ ကော်ဖ်ီဆိုင်တွေမှာ ကော်ဖီမှာသောက်ရင် မြေပဲ တို.လို ကြက်ဥပြုတ်တို့ ကို တွဲချလေ့ရှိခဲ့ပါတယ်။ အဲဒီ အလေ့အထ ဟာ “မောနင်းဂု ဆားဗစ်စု” ရဲ့ ရေခံမြေခံလို့ပြောရင်မမှားပါဘူး။ အဲဒီဒေသ အဲဒီအချိန်မျိုးမှာ မွေးဖွားခဲ့တဲ့ ခါ့တိုး တိုမို့ကို စံ ဟာ သူမရဲ့ခင်ပွန်းနဲ့ အိမ်ထောင်ကွဲသွားတဲ့အချိန်မှာ ကိုယ်တိုင်အလုပ်လုပ်ဘို့အတွက် ကော်ဖီဆိုင်တစ်ဆိုင်ကို ဖွင့်လှစ်ခဲ့ပါတယ်။ဆိုင်မှာ ထိုင်သောက်တဲ့ ကော်ဖီတစ်ခွက် ယန်း၁၀၀ခေတ်လို့သိရပါတယ်။ ခါ့တိုး တိုမို့ကို စံ ဟာ ကော်ဖီဆိုင်ဖွင့်ဖွင့်ချင်းမှာ သူမရဲ့ဆိုင်ကို လူလာအောင်ဘယ်လိုလုပ်ရမယ်ဆိုတာကို အမျိုးမျိုးစဉ်းစားခဲ့ပါတယ်။ ပိုက်ဆံအရင်းအနှီးလည်း မကုန်အောင်။ တခြားလူကြိုက်များနေတဲ့ ဆိုင်တွေလိုလည်း လူဝင်အောင် ဘယ်လိုလုပ်ရမလည်းဆိုတာ အကြံထုတ်ရင်းနဲ့ ပင်လယ်ကမ်းခြေဘက်ကို ထွက်ခဲ့ပါတယ်။ နောက်တော့ ကမ်းခြေက ပုလဲမွေးမြူသူတွေမသုံးတဲ့ ပုလဲတွေကို ကောက်ယူစုဆောင်းပြီး ပုလဲပုတီး ကုံးပြီး ဆိုင်ဖွင့်လို့အရင်ဆုံးရောက်တဲ့ ဧည့်သည်ကို ပေးပါတယ်တဲ့၊ ဒီလိုသတင်းနဲ့ တင်ပဲ ဆိုင်ကိုလာတဲ့သူတွေ အထိုက်အလျောက်ရှိလာပါတယ်။ ရောင်းလည်းကောင်းပါတယ်။ ဒီအချိန်မှာ ခါ့တိုး တိုမို့ကို စံ ဟာ လာနေကျ ဖေါက်သည်တွေကို ထိန်းထားပြီး နောက်ထပ်စီးပွါးတက်ဘို့လည်း ရည်မှန်းချက်ရှိပါတယ်။ ဒါပေမယ့်လို့ ပုလဲပုတီးတွေလည်း လိုသလောက် မရနိုင်တော့တာသလို ပုလဲပုတီး လက်ဆောင်ကို တစ်ချို့ကလည်း ရိုးသွားကြပါတယ်။ ခါ့တိုး တိုမို့ကို စံ ဟာ နောက်တစ်မျိုးစဉ်းစားပါတယ်။ ဘယ်လိုလုပ်ရင်ကောင်းမလဲ။ ဆိုင်ကိုလာနေတဲ့ ဧည့်သည်အများစုဟာ စီးပွါးရေးသမား ကုမ္ပဏီ
ဝန်ထမ်းတွေ မနက်စောစောမှာ အလုပ်စကားပြောဘို့အတွက် ကော်ဖီဆိုင်ကို ရောက်လာကြတော့တာပဲ။

စောစောစီးစီး အိမ်က ဘာမှစားမလာ၊ ကော်ဖီသောက် အလုပ်စကားပြော ပြီးတာနဲ့ အလုပ်ကိစ္စအတွက် ပြေးရလွှားရတော့မယ်။ သူတို့အတွက်အဓိကလိုအပ်တာ ကော်ဖီတစ်ခွက်အပြင် အဟာရဖြစ်စေမယ့် အစာအနည်းငယ်ပါပဲ။ ခါ့တိုး တိုမို့ကို စံ ဆုံးဖြတ်လိုက်ပါတယ်။ မနက်ခင်းမှာ သူမရဲ့ကော်ဖီဆိုင်ကိုလာတဲ့ ဧည့်သည်တွေကို နာရီပိုင်းနဲ့ ကော်ဖီတစ်ခွက်ဘိုးစာယူပြီး ပေါင်မုန့်မီးကင်တစ်ချပ်ကို တွဲပေးလိုက်ပါတယ်။ ခါ့တိုး တိုမို့ကို စံ ရဲ့ အတွေးအခေါ်သစ်ဟာ နေ့ချင်းညချင်း ဆိုသလို ၊မာ့ဆုယာမာ
မြို့နဲ့ အိချိနိုမိယာ့မြို့ကလေးမှာနံမည်ကြီးသွားပါတယ်။ နောက်ထပ်ဆိုင်ခွဲတွေလည်း ထပ်ဖွင့်ရပါတယ်။ နောက်ပိုင်းမှာတော့ အာအိချိ ခရိုင်တစ်ခုလုံး၊ အဲဒီကနေမှတစ်ဆင့် ဂျပန်နိုင်ငံတစ်ခုလုံးကို “မောနင်းဂု ဆားဗစ်စု” အရောင်းစံနစ်က ပျံ့နှံ့ သွားပါတော့တယ်။ ဆက်လက်ပြီး အာအိချိခရိုင် ရဲ့ စီးပွါး ရေးအချက်အချာ နာဂိုယာ မြို.မှာတော့ ယနေ.ထက်တိုင် ဒီစံနစ် ကလူကြိုက်များ တွင်ကျယ်လျှက်ရှိပါတော့တယ်။
ပုံပြင်လေးကတော့ ဒါပါပဲကွယ်( နောက်ပြီးရေးလိုက်တာပါနော်)။

ဒီဇတ်လမ်းလေးတစ်ကယ်ရှိသလားဆိုတာ အင်တာနက်တွေထဲမှာလည်း ရှာကြည့်တော့လည်း တွေ့ပါတယ်။ (ဆိုင်ခေါင်းပြောတာ တစ်ကယ် ဟုတ်မဟုတ်သိရအောင်လို့ မဟုတ်ပါဘူး။ အချက်အလက် ကို သေချာအောင်လုပ်တာပါ။) ဒါပေမယ့် ဆိုင်ခေါင်းပြောတာက ပိုပြီးနားထောင်လို့ကောင်းခဲ့ပါတယ်။

ခါ့တိုး တိုမို့ကို စံ ဟာလည်း မတည်ရင်းနှီးငွေ ယန်း  ၁၅ကုဋေရှိတဲ့ “မိုမိနော့ ခိ”ဆိုတဲ့ အမည်နဲ့ ကုမ္ပဏီကိုပိုင်ဆိုင်သည်အထိ အောင်မြင်ခဲ့ပါတယ်။

ဓါတ်ပုံများကို ကူးယူရာနေရာ


http://www.doit-fun.jp/shopping/goods_detail.php?id=6




http://ja.wikipedia.org/wiki/%E3%83%A2%E3%83%BC%E3%83%8B%E3%83%B3%E3%82%B0%E3%82%BB%E3%83%83%E3%83%88


http://search.yahoo.co.jp/search?p=%E5%96%AB%E8%8C%B6%E5%BA%97+%E3%83%A2%E3%83%BC%E3%83%8B%E3%83%B3%E3%82%B0%E3%82%B5%E3%83%BC%E3%83%93%E3%82%B9&rs=0&search_x=1&tid=top_ga1_sa&ei=UTF-8&fr=top_ga1_sa


http://allabout.co.jp/travel/travelnagoya/closeup/CU20070223A/