January 27, 2010

အပြာကား လား၊ အ၀ါကား လား

လောကကြီးမှာ အရောင်တွေဟာ ရည်တွက်လို့မရနိုင်အောင်များပြားလှသလို အရောင်တွေကိုခေါ်ဝေါ်တဲ့ အမည်တွေကလည်း နိုင်ငံနဲ့ ဒေသအလိုက် အမျိုးမျိုးပါပဲ။

ဂျပန်နိုင်ငံမှာတော့ အမည်သတ်မှတ်ခေါ်ဝေါ်နိုင်တဲ့ အရောင်ပေါင်း ၇၀၀၀ကျော်ရှိတယ်လို့ဆိုပါတယ်။ အရောင်ဆိုတာ အရာဝတ္တုပစ္စည်းတွေရဲ့ အရောင်ကို ဖေါ်ပြရုံအတွက်သာမက၊ အခြား အင်အားနဲ့ အဓိပ္ပါယ်တွေပေးတဲ့ အလုပ်တွေလည်း လုပ်ဆောင်နိုင်ပါတယ်။ အရောင်နဲ့ တင်စားပြီး ပြောဆိုကြပါတယ်။ ဥပမာ-နီတာရဲလေး။ ရွှေဝါရောင် တော်လှန်ရေး။ ဖြူစင်မေတ္တာ ။ မျက်ထောင့်နီနဲ့ ကြည့်တယ်။ ဒါ့အပြင် အရောင်ကို ယောက်ျား၊မိန်းမ တွေကို ကိုယ်စားပြုအနေနဲ့ လည်းသုံးပါတယ်။ အများသုံးအိမ်သာတွေမှာ အမျိုးသား ဘက်ကို အပြာရောင်၊ အမျိုးသမီးဘက်ကို အနီရောင် (သို့) ပန်းရောင်တို့နဲ့ ရေးခြယ်ကြပါတယ်။ လုပ်ငန်းအမျိုးအစားတွေနဲ့ လိုက်ပြီး လည်း အရောင် ရဲ့ အင်အားနဲ့ အဓိပ္ပါယ်ကို တွေ့ရပါတယ်။ ဘာလွှမ်းမိုးမှု မှ မခံတဲ့ အင်အားကိုပြတဲ့ တရားသူကြီးများရဲ့ “အနက်ရောင်ဝတ်ရုံ”။ ဖြူစင်သန့်ရှင်းမှုကို ပြတဲ့ “အဖြူရောင် သတို့သမီးဝတ်စုံ” ။ ရဲစွမ်းသတ္တိကိုပြတဲ့ “အနီရောင်အလံ” ။ အားကစား ဘက်ကိုကြည့်မယ်ဆိုရင်လည်း အာရုံစူးစိုက်မှု အထူးလိုအပ်တဲ့ စားပွဲတင် တင်းနစ် နဲ့ တင်းနစ်ကုတ် တို့ကို အပြာနုရောင်သုံးကြကိုတွေ့ရပါတယ်။ အခြားတိုင်းပြည်နိုင်ငံတွေ မှာ သုံးတဲ့ အရောင်တွေ နဲ့ အဲဒီအရောင်တွေရဲ့ အဓိပ္ပါယ်ကို သိရရင် သူ့ရဲ့ယဉ်ကျေးမှုကိုလည်း သိမြင်နိုင်ပါတယ်တဲ့။ အပြာရောင်ကို အင်္ဂလန်နိုင်ငံမှာ အများပြည်သူနဲ့ သက်ဆိုင်တဲ့ နေရာတွေမှာ အသုံးပြုလေ့ရှိကြပါတယ်။ အဲဒါအပြင် တော်ဝင် အပြာ Royal Blue ဆိုတဲ့ အခေါ်အဝေါ်တောင် ရှိပါသေးတယ်။  အင်္ဂလိပ်တို့ ဟာ ပင်လယ်နဲ့ ဆက်စပ်တဲ့ ဘုရင်စံနစ်နိုင်ငံဖြစ်သလို ကမ္ဘာ့ပင်လယ်၇ခု(မြောက်ပိစိဖိတ် ပင်လယ်၊ တောင်ပိစိဖိတ်ပင်လယ်၊ မြောက်အတ္တလန်တိတ်ပင်လယ်၊ တောင်အတ္တလန်တိတ်ပင်လယ်၊ အိန္ဒိယပင်လယ်၊ အန္တာတိတ် ပင်လယ်၊ အာတိတ်ပင်လယ်) ကို အုပ်စိုးခဲ့ဘူးရတဲ့ အတွက်ကြောင့် ပင်လယ်ကို  ကိုယ်စားပြုတဲ့ အရောင် ဖြစ်တဲ့ အပြာရောင်ကို ဘုရင့်အခန်းအနား အပြင်အဆင်အရောင်အဖြစ်အသုံးပြုခဲ့ကြတယ်လို့ဆိုပါတယ်။ ရုရှားနိုင်ငံမှာတော့ အနီရောင် ဟာ မြင့်မြတ်တဲ့အရောင်ဖြစ်ပါတယ်။ အနီရောင်ကို ခေါ်တဲ့ ရုရှားဘာသာက “ခုရားစနီး” ရဲ့ အဓိပ္ပါယ်က “လှပခြင်း” ဖြစ်ပြီး “အနီရောင် =လှပခြင်း” လို့ မှတ်ယူကြပါတယ်လို့ သိရပါတယ်။  ရုရှားနိုင်ငံရဲ့ နံမည်ကြော် “ရင်ပြင်နီ” ဆိုတာလည်း ရုရှားဘာသာနဲ့ ဆိုရင် “လှပသော ရင်ပြင်”လို့ အဓိပ္ပါယ်ရပါတယ်တဲ့။ တရုပ်လူမျိုးတွေမှာတော့ အ၀ါရောင်ကို မင်းစိုးရာဇာရောင်အဖြစ်သတ်မှတ်ကြပါတယ်။ ဒါပေမယ့် တရုပ်လူမျိုးတွေအတွက် “အ၀ါရောင်” ဟာ နောက်ထပ် လုံးဝဆန့်ကျင်တဲ့ အဓိပ္ပါယ်အဖြစ်လည်း သုံးပါသေးတယ်။ ရမက်ဆန်ပြီး ချစ်ဗျူဟာခင်းတဲ့ ရုပ်ရှင်တွေကိုဖေါ်ပြလိုတဲ့အခါမှာလည်း အ၀ါရောင် ကိုသုံးပါတယ်တဲ့။


တရုပ်နိုင်ငံ 黄色電影 
အမေရိကန် Blue Film 
စပိန်နိုင်ငံ Cine Verde 
ဂျပန်နိုင်ငံ ピンク映画

အဓိပ္ပါယ် တူ ကိစ္စတစ်ခုကိုပဲ တိုင်းပြည်နိုင်ငံအလိုက် တင်စားမှတ်ယူတဲ့ အရောင်တွေကွဲပြားကြသလို ၊ အရောင်တွေကရယူတဲ့ အင်အားနဲ့ အဓိပါယ်ကလည်း အမျိုးမျိုးပါပဲ။ အခြားနိုင်ငံတစ်ခုမှာ အခြား အရောင်နဲ့ ခေါ်ဝေါ်တာများ လည်း နောက်ထပ်ရှိပါလိမ့်ဦးမယ်။



အပြာကား လားအ၀ါကား လား

ကိုးကား
http://www.tbs.co.jp/newsbird/lineup/tsukio/dr_tsukio20080523.html
http://image-search.yahoo.co.jp/search?p=blue+flim&ei=&b=2&d=24

5 comments:

ဧးသိမ်း said...

ကျေးဇူးပါခင်ဗျ။ ပြန်ဝေမျှပေးပါရစေ။ ကျနော်တို့ဆီမှာ အပြာက အသုံးကွဲကြတယ်နော်။
ဥပမာ။ ။
အပြာကား (ဘလူး)
vs
အလံတော်က အပြာရောင် (ဧးချမ်းခြင်း၊ တည်ကြည်ခြင်းဆိုတဲ့ အဓိပါယ်ကို ဖော်ဆောင်သည်။)

ကိုမျိုး (အညာမြေ) said...

မင်္ဂလာပါ..

အရောင်နဲ့ပတ်သက်လို့ စင်ကာပူမှာတော့ အနီရောင် အသုံးများတာ တွေ့ရပါတယ်။
ကျနော်တို့ ဆီမှာတော့ နဲနဲ မည်းနက်နက်နဲ့ ရွံ့ရောင်ပေါက်နေတာကို ကြံ့ အရောင်လို့ ခေါ်ကြတယ်။ မဲပြာပြာ မွဲခြောက်ခြောက် လူသုံးနဲတဲ့ အရောင်ကိုတော့ ဖွတ် အရောင်လို့ ခေါ်ဝေါ် ကြတယ်လေ။
ဒါပေမယ့် ကြံ့နဲ့ဖွတ် နဲ့ ပေါင်းပြီး ခေါ်တဲ့အရောင်ကြတော့ ကြံ့ဖွတ်ရောင် ..ဒါမှမဟုတ် အဖြူအစိမ်း.. ဘယ်လို ပေါင်းစပ်လိုက်လဲတော့ မသိဘူး.. :) :)...

အရောင်လေးတွေ အကြောင်း တင်ပြပေးတာ ဖတ်ရလို့ ကျေးဇူးပါ။ စကားစပ်စပ်.. ဘယ်အရောင်ကို အကြိုက်ဆုံးလဲ ဟင်... ကျနော်ကတော့ ဟိုအရောင်ကို အကြိုက်ဆုံးဘဲ.. နို့နှစ် ရောင်.. :) :)..

ခင်မင်စွာဖြင့်
ကိုမျိုး

ကောင်းမွန်ဝင်း said...

မြန်မာစကား၊ မြန်မာ့ အတွေး နဲ့ သိရှိခံစားလို့ရတဲ့ အရောင်ဝေါဟာရတွေကလည်း စိတ်ဝင်စားစရာပါပဲ။
ဘဲဂေါင်းစိမ်းရောင်၊ ဆင်စွယ်ရောင်၊ ခွေးဝဲစားရောင်၊

အစားအသောက်ကနေ ဖြစ်ပေါ်လာတဲ့ အရောင်ဝေါဟာရများကိုလည်း အသုံးများကြပါတယ်။
ကြံရည်ရောင်၊ ပက်ပ်စီ (ကိုလာ)ရောင်၊ ဇီးရောင်၊ ကော်ဖီရောင်၊ ချောကလက်ရောင်

သစ်ပင်ပန်းမာလာများမှ ဖြစ်ပေါ်လာတဲ့ အရောင်ဝေါဟာရများလည်းရှိပါတယ်။
ဒေါနစိမ်း၊ ပိတောက်ဝါ၊ ငုဝါ၊ မဟော်ဂနီရောင်၊ ပိတောက်ခြောက်ရောင်၊ ရေညှိရောင်၊ဗေဒါရောင်

အသင်းအဖွဲ့ ဌာနဆိုင်ရာများကနေ ပေါ်ပေါက်လာတဲ့ အရောင်ဝေါဟာရတွေကတော့။
အမျိူးသမီးစွမ်းဆောင်ရှင်အသင်းရောင်(အ၀ါ)၊ လမ်းစဉ်ပြာ၊ ပါတီစိမ်း၊ ဘဏ်စိမ်း၊ စစ်ရောင်၊ ကျောင်းစိမ်းရောင်၊

အရောင်ဝေါဟာရနဲ့ပါတ်သက်တဲ့ နောက်ထပ်စိတ်ဝင်စားစရာမြန်မာစကားလုံး တချို့ကိုလည်း သတိရမိပါတယ်။

အင်္ဂလိပ်လို clear-obscure ဆိုတာကို မြန်မာ ဘာသာနဲ့ “အကြည်-အနောက်” ရယ်လို့ ဆိုကြတယ်လေ။
ဘာအရောင်မှမပါပဲ၊ ဖေါက်ထွင်းမြင်နိုင်တဲ့ transparent ဖြစ်နေတာကို
“အကြည်” လို့ပြောကြပါတယ်။ ပလပ်စတစ်အကြည်၊ မှန်အကြည်၊ ဖန်ခွက်အကြည်။
Clear yellow ဆိုရင် အ၀ါကြည်ကြည် လို့ပြောတာကြားဖူးပါတယ်။ clear file ကိုလည်း ဖိုင်အကြည် တဲ့။

ထွင်းဖေါက်မမြင်ရတဲ့ အရောင်တွေကိုလည်း “အနောက်” လို့ပြောကြပြန်ပါတယ်။
Obscure glass ကို “မှန်အနောက်” “ဖန်ခွက်အနောက်” ။ “ပလပ်စတစ်အနောက်”

Sunlight-Moonlight လို အလင်းကို အရောင်အနေနဲ့လည်း တင်စားမှတ်ယူပါသေးတယ်။
နေရောင်။ လရောင်။ မီးရောင်။ အလင်းရောင် တဲ့။

အခုလို စိတ်ဝင်စားစရာကောင်းပြီး ကိုယ်ပိုင်ဥာဏ်ကစားနိုင်တဲ့ ကော်မန့်တွေကိုရေးပေးကြတဲ့အတွက် ကျေးဇူးတင်ပါတယ်လို့ ပြောပါရစေ။

ကိုဧးသိမ်းရေ။ အခုလို ပြန်လည်မျှဝေတာ ကျေးဇူးပါ။ တမျိုးတော့ မထင်ပါနဲ့နော်၊ ကျွန်မအိမ်မှာ ပစ္စည်းတော်တော်များများ က အပြာရောင်တွေချည်းဖြစ်နေတယ်။ :P

ကိုမျိုးရေ၊ ကျွန်မကြိုက်တဲ့ အရောင်ကတော့ ဘာသာရောင်။ သာသနာရောင် ပါ။ !*=*!

win latt said...

အင်း..အရောင်ဋီကာ ပဲပြောပါတော့။ ကျေးဇူးတင်တယ်အမရေ။ စာရေးတဲ့သူနဲ့ ဖတ်တဲ့ လူကြားမှာ အတွေးအသစ်အဆန်းလေးတွေ ပေးတတ်တဲ့ အမကို တကယ်ကျေးဇူးတင်ပါတယ်။ဗဟုသုတအစုံ ရှာပုံတော်ဖွင့် ပြီးရင် ထပ်ဆင့်လွှင့် ပေးဦးနော်..။

ရွှေပြည်သူ said...

အပေါ်က ကိုဝင်းလတ်ရေးသွားသလိုပဲ အစ်မစာလေးတွေက ဖတ်ပြီးရင် အတွေးအသစ်အဆန်းလေးတွေ အမြဲရပါတယ်။ အရောင်တွေရဲ့ စွမ်းအင်တွေကတော့ စိတ်ဝင်စားလို့ မကုန်နိုင်အောင်ပါပဲ။ အစ်မရေးတဲ့ ကောမန့်လေးက အစ သေချာဖတ်သွားပါတယ်။