စကား နဲ့ ကစား မယ်

ဘယ်ဘာသာစကားမှာမဆို စကားလုံးတွေကို အသုံးပြုပြီး အကြောင်းအရာတွေကို မှတ်သားနည်းရှိသလို စကားလုံးတွေကိုလည်း ကစားနိုင်ပါတယ်။

ပျော်စရာလည်းဖြစ်သလို မှတ်သားစရာလည်းဖြစ်တဲ့ ဘာသာစကားတွေကို မှတ်ရလွယ်စေတဲ့ ဥာဏ်ကွန့်မြူးမှု တွေနဲ့ပတ်သက်ပြီး ကျွန်မစိတ်ဝင်စားတဲ့ အကြောင်းအရာလေးတစ်ခု ကို မိတ်ဆက်တင်ပြပါရစေ။ အင်္ဂလိပ်လိုကတော့  mnemonic device ၊ဒီနေရာမှာ အသံထွက်ကို နီမောနစ် လို့ထွက်တာလည်း တစ်မျိုးစိတ်ဝင်စားစရာပါပဲနော်။


because ဆိုတဲ့ စာလုံးပေါင်းကို မမေ့အောင်မှတ်တဲ့ spelling mnemonic




မြန်မာဘာသာ၊ ဂျပန်ဘာသာ၊ အင်္ဂလိပ်ဘာသာ၊ ကိုရီးယားဘာသာ၊ တရုတ်ဘာသာတွေမှာ ဒီလို ဝေါဟာရ၊ အက္ခရာ၊ ဂဏန်းသင်္ချာ တို့ကိုအသုံးပြုပြီး၊ မှတ်သားမှုများ၊ စကားဝှက်၊ ဥာဏ်စမ်းကစားနည်းများ သူ့ဘာသာရပ်အလိုက်ရှိနေတာက စိတ်ဝင်စားစရာကောင်းလှပါတယ်။ ရှေးကသတ်မှတ်ခဲ့တာကို လက်ဆင့်ကမ်း မှတ်သားကြသလို ၊ မိမိတို့ဥာဏ်စွမ်းနဲ့လည်း တီထွင်နိုင်ပါတယ်တဲ့။

ပထမဦးဆုံးမြန်မာဘာသာမှာ လူသိအများဆုံးဥပမာတွေထဲကရွေးပါရစေ။  မြန်မာအက္ခရာကနေ နေ့နံဂဏန်းသင်္ချာအဖြစ် ဆက်စပ်ပြီးမှတ်ယူနည်းထဲက ပြောရမယ်ဆိုရင်တော့။

အုတ်ကျစ်ကျော်အေး မန္တလေး =၁၂၂၁

ရွှေလသာ၊ ၀ါဝါ၀င်း = ၄၄၆

လှည်းဝင်ရိုးသံ တညံညံ၊ = ၄၄၄၆

ဝင်းဝင်းထိန်လျှံ= ၄၄၇၄

မင်းဖြူမှန်မှန်ပြော= ၅၅၅၅၅

ဂျပန်လို အက္ခရာကနေ ဂဏန်းသင်္ချာပြောင်းမှတ်ပုံ တွေထဲက လူသိများတဲ့ ဥပမာကတော့

ဂျပန်နိုင်ငံရဲ့ ကာမာ့ကူရာ့ ခေတ်စတင်ချိန် သက္ကရာဇ်ကို = အိအိခုနိ = いいくに= 1192

အိအိခုနိ ရဲ့ အဓိပ္ပါယ်  “ကောင်းသောနိုင်ငံ” ၁၁၉၂ခုနှစ်မှာကောင်းသောနိုင်ငံတည်ထောင်နိုင်ခဲ့တယ်လို့ မှတ်ယူတာပါ။

အပြန်အလှန် ဂဏန်းသင်္ချာ ကနေ အက္ခရာကိုပြောင်းပြီးမှတ်တာလည်းရှိပါတယ်။

４６４９(よろしく)=ယောရိုးရှိကု

အင်္ဂလိပ်လိုမှာလည်း အက္ခရာကနေ ဂဏန်းသင်္ချာကိုဆက်စပ်မှတ်သားကြတာတွေကို လေ့လာဘူးသလောက် ပြောရရင်တော့

【ABC=2】【DEF=３】【GHI=4】

အိမ်အရွှေ့အပြောင်းကုမဏီ တွေက သူတို့ရဲ့ ဖုန်းနံပါတ်ကို= 123-456-MOVE

လို့ရေးထားရင် MOVE=6683

အ၀လွန်အဆီချဆေးတွေရောင်းတဲ့ ကုမဏီကတော့ =123-456-SLIM

SLIM =7546

နွားနို့ရောင်းတဲ့ ဆိုင် ဖုန်းနံပါတ်က = 123-GOT-MILK

GOT- MILK =（468-6455）

အင်္ဂလ်ိပ်ဘာသာမှာပဲ၊ အက္ခရာကနေ အက္ခရာကိုပြန်ပြီးဆက်စပ်ပေးတဲ့ စကားဝှက် ကစားနည်းတစ်ခုကိုလည်း ဖတ်ဘူးပါတယ်။

အဒေါ်ကြီးတစ်ယောက်က ကွတ်ကီး (cookie )မုန့်ပုလင်းကိုကြည့်ပြီး အော်လိုက်တယ်တဲ့ ၊ သူအော်လိုက်တာကို အောက်ပါကွက်လပ်ထဲဖြည့်ကြည့်ပါ။ ၇လုံးထဲရှိပါတယ်။ ဒါပေမယ့် ရိုးစင်းတဲ့  ၀ါကျတစ်ကြောင်းဖြစ်ပါတယ်။

O

I

C

U

R

M

T

အဖြေက အကွက်လေးတွေတစ်ခုစီကို ဆလက်(select) လုပ်ပြီး အသံထွက်ဖတ်လိုက်ရင်။ အဓိပ္ပါယ် ပါသိရပါလိမ့်မယ်။

☆⇒　Oh, I see, you are empty! =　အိုး၊ ဘာမှလည်း မရှိပါလား။

နောက်ဥပမာတစ်ခုကတော့ ဒီလိုပါ။

A Bactrian Camel's back is shaped like the letter B. A Dromedary's back is shaped like the letter D.

 “ဘို့” တစ်လုံး ကုလားအုပ်နဲ့ ၊ “ဘို့” နှစ်လုံးကုလားအုပ်ကို ရှင်းပြတဲ့ စာကြောင်းလေးပါ။

အတိုကောက်သုံးခြင်းကလည်း ကစားနည်းတစ်မျိုးလို့ ပြောနိုင်ပါတယ်။

ရှေးခေတ်ကတော့ ကြေးနန်းရိုက်တာပေါ့။ အခုခေတ်မှာတော့ အွန်လိုင်းချပ်ရိုက်တာပေါ့။ အဲဒီအချိန်မှာ အင်္ဂလိပ်လိုရေးတတ်လေ့ရှိတဲ့ အတိုကောက်လေးတွေပါ။

I love U 2. = I love you too.

I would die 4 U! = I would die for you!

B4 = Before

OMG= Oh My God

BRB= be right back

BBS = be back soon

C u = see you

LOL= Laugh out loudly

အင်္ဂလ်ိပ်လူမျိုးခလေးလေးတွေ အရှေ့၊ အနောက်၊ တောင်၊ မြောက်အရပ်လေးမျက်နှာကိုသူတို့အရွယ်နဲ့ မမှတ်မိနိုင်တော့

ဒီလိုမှတ်ပါတယ်တဲ့ =Never Eat Sour Watermelon

ကျွန်မတို့ လူကြီးတွေအတွက်တော့ အဲလိုမှတ်ရတာက ပိုပြီးရှုတ်ထွေးသလိုဖြစ်နေမှာပါ။

ဒါကြောင့်လည်းပဲ ဒီလိုမှတ်သားနည်းဟာ သူ့ရဲ့သက်ဆိုင်ရာဘာသာရပ်ကို မိခင်ဘာသာစကားနီးပါး နားလည်ခံစားနိုင်သူများအတွက်ကော။ဘာသာစကားကို စသင်ကာစသူတွေအတွက်ကော၊  မူလမိခင်ဘာသာစကားကိုသုံးစွဲရာမှာကော အလွန်မှတ်လို့လွယ်ပြီး ၊ပျော်စရာကစားနည်းတွေဖြစ်လို့ ဘာသာစကားတိုင်းမှာ ရှိနေတာလည်းဖြစ်နိုင်ပါတယ်။  

အခုပြောတာလေးတွေကတော့ တကယ့်ကို အနည်းငယ်သော ဥပမာလေးတွေပါ။ နောက်ထပ် အများကြီး ရှိပါသေးတယ်။ စိတ်ဝင်စားစရာလေးတွေကိုလည်း ပြန်လည်မျှဝေခဲ့ပါဦးနော်။

ပုံများကို အင်တာနက်မှကူးယူပါတယ်။