မြန်မာလိုလည်း နံမည်ကြီးတဲ့ ဂျပန်သီချင်း

ဂျပန်နိုင်ငံမှာနံမည်ကြီးတဲ့ ဒီသီချင်းလေးကို မြန်မာနိုင်ငံမှာလည်း လူငယ်တွေလူကြိုက်များကြပါတယ်။ နားထောင်လို့ရရင်နားထောင်ကြည့်ပါနော်။ဘယ်သီချင်းမှန်းချက်ချင်းသိပါလိမ့်မယ်။ ဒီသီချင်းလေးကိုဆိုသူက
၁၉၉၅ခုနှစ်ကနေ ဒီနေ့လက်ရှိအချိန်အထိ ထွက်တဲ့ သီချင်းတိုင်းဟာ လူကြိုက်အများဆုံးနဲ့ အရောင်းရဆုံးစာရင်း နံပါတ် ၁ကနေ၃အတွင်းချိတ်ရတဲ့ အမျိုးသမီးအဆိုတော် စာရင်းမှာ အမြဲထိပ်ဆုံးကနေရာယူထားသူ။  ကိန်း၊ဂဏန်းသက်သေများ နဲ့သာမဟုတ်ပဲ၊“ဂျပန်နိုင်ငံရဲ့ ယဉ်ကျေးမှု၊ ဖက်ရှင်၊ ခေတ်ကိုကိုယ်စားပြုတဲ့ ဂျပန်စကားဝေါဟာရသစ်များကိုလည်း ပေါ်ပေါက်စေနိုင်သူ” “ဂျပန်နိုင်ငံလူမှုဘ၀ရဲ့ သင်္ကေတ” လို့ သတ်မှတ်ခံရသူ တစ်ဦးလည်းဖြစ်ပါတယ်။ 

ဒီသီချင်းကိုသီဆိုခဲ့တဲ့ သူမဟာ ဂျပန်နိုင်ငံမှာတင်မဟုတ်ပါဘူး၊ ထိုင်ဝမ်၊ကိုရီးယားစတဲ့နိုင်ငံများမှာလည်း သူမက ကျော်ကြားလှပါတယ်။ ဒါပေမယ့်မြန်မာပြည်မှာတော့ အဲဒီနိုင်ငံတွေလောက် လူသိမများလှဘူးလို့ ဆိုရမှာပါ။ ဂျပန်ဘာသာနဲ့ ရင်းနှီးသူတွေကတော့ သူမကိုမသိသူမရှိဘူးလို့ထင်ပါတယ်။ ဒီသီချင်းအရမ်းအောင်မြင်တာရယ် ၊ ဒီသီချင်းကိုဆိုနေတဲ့ သူမဘာကြောင့် အဲဒီအချိန်က အဲလိုငိုခဲ့ရသလဲဆိုတာကို သူမရဲ့ဘ၀အကြောင်းတစေ့တစောင်းကနေတွေ့မြင်နိုင်ပါတယ်။ 
ခံစားနားဆင်ဖတ်ကြည့်ပါနော်။ (သီချင်းစာသားကိုတော့ ဘာသာပြန်မပေးထားပါဘူး)း))

သူမက ဘယ်သူလဲဆိုတာကို အကြောင်းအရာ အချက်အလက်တချို့နဲ့ ပြောပြချင်ပါတယ်။

မြန်မာစကားနဲ့ဆိုရင် “ဆန်းံ” လို့ပြောကြတယ်။ ဂျပန်စကားလည်း အဲလိုပဲသုံးကြပါတယ်။ ဒါပေမယ့်လည်း “ဆန်း” အပြင် သူမရဲ့ “ကံတရား” “ကြိုစားမှု” တွေကလည်းရှိခဲ့ပါတယ်။

သူမကို “သီချင်းမင်းသမီးလေး”လို့လည်း တင်စားခေါ်ကြပါတယ်။

အမည်=“ အာ့မုရို ”နာ့မိအဲ (အနုပညာနံမည်နဲ့ နံမည်ရင်းကလည်း ဒါပါပဲ)

မွေးသက္ကရာဇ်= ၁၉၇၇ခုနှစ် စက်တင်္ဘာလ ၂၀ရက်

အရပ် =၁၅၈ စင်တီမီတာ

ကိုယ်အလေးချိန်=၄၀ကီလိုဂရမ်

သွေးအမျိုးအစား= အိုသွေးအုပ်စု

ရာသီခွင် =အပျိုစင်ရာသီဖွား

အလုပ်အကိုင် =ဂျပန်နိုင်ငံ အမျိုးသမီးအဆိုတော်

ဇာတိ =အိုကီနာဝါခရိုင်၊ နာ့ဟာ့ မြို့

စာချုပ်ချုပ်ဆိုထားသောကုမဏီ= ဗစ်ရှင်း ဖက်က်ထရီ

ငယ်ဘ၀ကတော့ ဒီလိုပါ…….

မောင်နှမသုံးယောက်မှာ ဒုတိယသမီးဖြစ်ပြီး၊ ခလေးဘ၀မှာ ဂျက်နက် ဂျက်ဆင်ကို အားကျခဲ့သူဖြစ်ပါတယ်။ သီချင်းနဲ့ အကပညာကို သေသေချာချာသင်ဘို့အတွက် မူလတန်းအောင်ပြီးတဲ့အခါမှာ အိုကီနာဝါမှာရှိတဲ့ Arts School ကျောင်းကိုစတင်ဝင်ရောက်ခဲ့ပါတယ်။ ကျောင်းတက်ဘို့ပထဦးဆုံးအကြိမ်စုံစမ်းဘို့ သွားတဲ့အချိန်မှာ ကျောင်းစရိတ်ကို ကြားပြီး ကျောင်းမတက်တော့ဘူးလို့ ဆုံးဖြတ်လိုက်ပေမယ့် ကျောင်းအုပ်ကြီးကမြင်သွားပြီး နဖူးရည်ဒူးရည်ကို ယုံကြည်သွားတာကြောင့် တခါမှမသတ်မှတ်ဘူးတဲ့ ကျောင်းရဲ့အားထားဘွယ်ကျောင်းသား အဖြစ်သတ်မှတ်ပြီးကျောင်းဝင်ခွင့်ပေးတာခံခဲ့ရပါတယ်။ အိမ်ကနေကျောင်းအရောက် ၁နာရီခွဲ လမ်းလျှောက် သွားရပြီး တစ်ပါတ်ကို ကျောင်းသုံးရက်နဲ့ ကျောင်းတက်ခဲ့ပါတယ်။　ငယ်စဉ်ကတည်းက တီဗွီအစီအစဉ်တွေမှာ ပါဝင်ဘူးပြီး၊ ၁၉၉၂ခုနှစ်မှာ “စူပါမန်းကီးစ်” အဖွဲ့ဝင်အဖြစ်နဲ့ အနုပညာလောက

ထဲကို စတင်ဝင် ရောက်ခဲ့ပါတော့တယ်။ 

သူမရဲ့ အနုပညာခရီးကိုလည်းဆက်လက်ပြောရမယ်ဆိုရင်……………..

အနုပညာလောက စတင်ဝင်ရောက်စမှာ သတင်းနဲ့စာနယ်ဇင်းမျိုးစုံကနေ တင်မြှောက်ပေးပေမယ့်လည်း သိပ်မပေါက်ခဲ့ပါဘူး။ ဒီလိုနဲ့ NHK၊ ဖူဂျီတယ်လီဗွီးရှင်းတို့ရဲ့ သီချင်းနဲ့ ဂီတအစီအစဉ်တွေမှာပါဝင်ခဲ့ပြီး အခြားအနုပညာရှင်တွေရဲ့ နောက်ဘက်ကနေအကနဲ့ ဖျော်ဖြေပေးတာတွေကိုလည်း တင်ဆက်ခဲ့ပါသေးတယ်။

၁၉၉၄ခုနှစ်မှာ “စူပါမန်းကီးစ်” အဖွဲ့ကနေ “အာ့မုရိုနာ့မိအဲ နှင့် စူပါမန်းကီးစ်” အဖွဲ့ဆိုပြီးအဖွဲ့နံမည်ပြောင်းသွားခဲ့ ပြီး၊ ၁၉၉၅ခုနှစ်မှာတော့ “TRY ME　私を信じて” = “ TRY ME ကျွန်မကိုယုံပါ” ဆိုတဲ့ စင်ဂယ်ဓါတ်ပြားထွက် လာပြီး ထ်ိပ်တန်းကိုရောက်သွားပါတော့တယ်။ အဲဒီကစပြီး တဟုန်ထိုးနံမည်ကျော်သွားတာ ၁၉၉၃ခုနှစ်ကသူမရဲ့ သရုပ်ဆောင်ဖျော်ဖြေမှုကို မြင်သွားတဲ့ ခိုးမုရို တယ်ဆုယာ့ ဆိုတဲ့ ဂျပန်ဂီတလောကရဲ့ နံမည်ကြီး ထုတ်လုပ်သူက သူမကိုကမ်းလှမ်းပြီး “Body Feels EXIT” ဓါတ်ပြားကိုထုတ်ဝေဖြန့်ချီလိုက်ပါတယ်။ အဲဒီဓါတ်ပြားဟာ မီလျံဆယ်လာအထိဖြစ်ခဲ့ပါတယ်။ အဲဒီနှစ် နှစ်ကုန်ပိုင်းမှာတော့ “Chase the Chancd” ကိုဖြန့်ချီခဲ့တာလည်း မီလျံဆယ်လာထပ်ဖြစ်ခဲ့ပြန်ပါတယ်။ အဲဒီသီချင်းနဲ့ NHK ၄၅ကြိမ်မြောက် ခိုးဟာ့ကု သီချင်းပြိုင်ပွဲမှာ တက်ရောက်သီဆိုနိုင်ခဲ့ပါတယ်။ ၃၇ကြိမ်မြောက် Japan Record Award မှာ  “TRY ME　私を信じて” = “ TRY ME ကျွန်မကိုယုံပါ”  သီချင်းနဲ့ ဆုရခဲ့ပါတယ်။

「Don't wanna cry」「You're my sunshine」「a walk in the park」『SWEET 19 BLUES』 စတဲ့သီချင်းတွေထွက်လာတာနဲ့အတူ Japan Record Award မှာ အကြိမ်ကြိမ် ဆုထပ်ရပြီး၊ ဖျော်ဖြေပွဲတိုင်းမှာလည်း သိန်းချီတဲ့ ပရိတ်တက်ရောက်လို့ဆိုတဲ့ သူမရဲ့ အသက်၁၉နှစ်ဆိုတဲ့ အသက်အရွယ်နဲ့ မလိုက်ဖက်လောက်အောင် နံမည်ကျော်လူကြိုက်များမှုတွေကို

ဆက်တိုက်ရယူနိုင်သူဖြစ်ပါတယ်။

သူမရင်ဆိုင်ရတဲ့ လောကဓံတရား…………

ထွက်လာတဲ့ အယ်လဘမ်တွေ သီချင်းတွေရဲ့ နံမည် တွေကလည်း သူမရဲ့ ဘ၀အပြောင်းအလဲလေးတွေနဲ့ ဆက်နွယ်သယောင်ဖြစ်နေတာကိုလည်း တွေ့မြင်နိုင်ပါတယ်။ “How to be a Girl ” “CAN YOU CELEBRATE?” “Concentration 20 ” “Dreaming I was dreaming ” “181920 ”သူမရဲ့ ပထမဦးဆုံးအကြိမ်ထုတ်ဝေတဲ့ ဓါတ်ပုံစာအုပ်ရဲ့ နံမည်ကတော့ “#19770920 ” ပါ။

၁၉၉၇ခုနှစ်TRFဆိုတဲ့ အကနဲ့သီချင်းဖျော်ဖြေတင်ဆက်တဲ့ နံမည်ကျော်အဖွဲ့ ရဲ့ အကပညာရှင် SAM နဲ့ အသက်၂၀အရွယ်မှာလက်ထပ်ခဲ့ပါတယ်။ အဲဒီအချိန်မှာ ကိုယ်ဝန်၃လရှိနေကြောင်းကိုလည်း အသိပေးကြေငြာခဲ့ပါတယ်။ ၁၉၉၈ခုနှစ်မှာ မီးဖွားဘို့အတွက်၁နှစ်နားခဲ့ပြီး သူမရဲ့ သားဦးလေးကိုအောင်မြင်စွာဖွားမြင်ခဲ့ပါတယ်။ သားလေးကိုမွေးဖွားပြီးနောက် “「I HAVE NEVER SEEN ” စင်ဂယ်ဓါတ်ပြားကိုထုတ်ဝေပါတယ်။

“RESPECT the POWER OF LOVE” ဆိုတဲ့ စင်ဂယ်ဓါတ်ပြားထုတ်ဝေတဲ့ နေ့မှာတော့ သူမရဲ့ ကမ္ဘာပေါ်မှာ အချစ်ရဆုံး မိခင်အသတ်ခံရတဲ့ အဖြစ်အပျက်ကို ဂျပန်နိုင်ငံတစ်နိုင်ငံလုံး၊ ကမ္ဘာအရပ်ရပ်က သူမရဲ့ ပရိတ်သတ်များအပြင် သူမကိုယ်တိုင် အတွက် တုန်လှုပ်စွာတွေ့ကြုံခဲ့ရပါတယ်။ နှစ်ပါတ်လောက်သူမဟာ ဘာမှမလုပ်နိုင်လောက်အောင် စိတ်ထိခိုက်ခံစားခဲ့ရသော်လည်း လက်ခံထားတဲ့ ပွဲများစွာနဲ့ သီချင်းတွေကို ပြန်လည် သီဆိုဖျော်ဖြေနိုင်ခဲ့ပါတယ်။

မွေးရပ်ဇာတိ အိုကီနာဝါအတွက် “NEVER END ” “break the rules” ဆိုတာတွေကိုလည်း သီဆိုခဲ့ပါသေးတယ်။

၂၀၀၂ခုနှစ်“MTV Video Music Awards Japan 2002” မှာ အထူးဆုကိုရရှိခဲ့ပြီး အဲဒီနှစ်မှာပဲ  နဲ့ ကွာရှင်းလိုက်ပါတယ်။ ကွာရှင်းကာစမှာ ကလေးအုပ်ထိမ်းခွင့်ကို  SAMက ရရှိပြီး၊ ကျွေးမွေးစောင့်ရှောက်ခွင့်ကို သူမက ရရှိခဲ့ပါတယ်။ သို့သော်လည်း ၂၀၀၅ခုနှစ်မှာတော့

အုပ်ထိမ်းခွင့်ကော ကျွေးမွေးစောင့်ရှောက်ခွင့်ကောရရှိတဲ့ စင်ဂယ်မားသား single mother ဖြစ်ခဲ့ပါတယ်။

သူမဟာ ၅၄ကြိမ်မြောက် NHK ခိုးဟာ့ကု သီချင်းပြိုင်ပွဲ အထိ၉နှစ်ဆက်တိုက်ဖျော်ဖြေခဲ့ပါတယ်။သူမရဲ့ ထိုင်ဝမ်နဲ့ ကိုရီးယားနိုင်ငံတွေကို သွားရောက်ဖျော်ဖြေပွဲတွေမှာဆိုရင် ပရိတ်သတ် ၃သောင်းလောက်လိုက်လံအားပေးတဲ့အတွက် ၂၀၀၄ခုနှစ်နောက်ပိုင်း ထွက်သမျှ CDတွေကို ကိုရီယားနိုင်ငံမှာပါတစ်ချိန်တည်းဖြန့်ချီပေးရပါတယ်။ “MTV Video Music Awards Japan 2004” “Best buzzAsia from Japan” ဆိုတဲ့ သရဖူဆောင်းပြီး ဆုယူချိန်မှာတော့ သူမရဲ့ ခလေးဘ၀ကတည်းက အားကျနှစ်သက်ခဲ့ရတဲ့  ဂျက်နက် ဂျက်ဆင် ကရုတ်တရက် စင်ပေါ်တက်လာပြီး သူမကို အံ့အားသင့်ဝမ်းသာစေခဲ့ပါတယ်။ အာ့မုရိုက စကားပြောတဲ့ အချိန်မှာ ဂျက်နက် ဂျက်ဆင်က ဆုတွေကို ကို်င်ပေးထားခဲ့ပါတယ်။ အခုလိုနှစ်ယောက်တွဲစင်ပေါ်မှာရှိနေရတာသူမအတွက် တကယ့် မယုံနိုင်စရာ ပျော်ရွှင်မှုပါပဲ။  ၂၀၀၅ခုနှစ်မှာလည်း “MTV Video Music Awards Japan 2005 ” “GIRL TALK”ဆိုတဲ့ သီချင်းနဲ့ “Best R&B Video ” ဆုအပြင် “Most Impressivle Performing Artist In Asia” ဆု နှစ်ဆုကို တစ်ပြိုင်တည်းရရှိပြန်ပါတယ်။ ၂၀၀၇ခုနှစ် မှာ ကျောင်းသားလူငယ်များရဲ့ အားကျမှုအများဆုံးရသော အနုပညာရှင်ဆု ဖြစ်တဲ့  “STUDENT VOICE" RESPECT AWARD 2007” ကိုရရှိခဲ့ပါတယ်။ အဲဒီအချိန်မှာ သူမအသက် ၃၀ပေါ့။ နောက်ပိုင်းမှာလည်း ဆုများစွာကို ဆက်လက်ဆွတ်ခူးခဲ့တာယခု လက်ရှိ ၂၀၁၀ “MTV Video Music Awards Japan 2010”အထိပါပဲ။

သူမရဲ့ သင်္ကေတများ……………

သူမရဲ့ ထူးခြားမှုတစ်ခုဖြစ်တဲ့ လက်မောင်းနှစ်ဖက်က ဆေးမင်ထိုးတာတဲ့ အမှတ်အသားကလည်း အများကို စိတ်ဝင်စားမှုဖြစ်စေခဲ့ပါသေးတယ်။ SAM နဲ့ကွာရှင်းပြီးတဲ့ အချိန်မှာ ရေးထိုးခဲ့တာပါ။ စာသားကတော့ SAMမသက်ဆိုင်ပါဘူး။ စာတမ်းက အင်္ဂလိပ်လိုပါ။ အောက်ပါစာသားနဲ့ အောက်ဆုံးမှ “HARUTO ” လို့ရေးထားပါသေးတယ်။

JUN.30 in 1950 (သူမရဲ့ မိခင်မွေးနေ့ဖြစ်ပါတယ်)
my mother's love live with me
Eternally in my heart = ကျွန်မအမေရဲ့ ချစ်မေတ္ထာဟာ ကျွန်မနဲ့ အတူ ကျွန်မရဲ့ နှလုံးသားထဲမှာ အစဉ်ထာဝရရှင်သန်နေပါတယ်။
R.I.P = Rest In Peace (ငြိမ်သက်စွာအိပ်စက်ခြင်းဖြင့်)
MAR.17 in 1999  (သူမရဲ့မိခင်ကွယ်လွန်တဲ့နေ့ ဖြစ်ပါတယ်)

ညာဘက်လက်မောင်းမှာတော့ ဘားကုတ် bar code နဲ့ သူမရဲ့ မွေးနေ့သက္ကရာဇ်ကိုရေးထားပါတယ်။

မီနီစကပ်၊ ဆံပင်အဖြောင့်အရှည်၊ လည်ရှည်ဖိနပ်ခုံမြင့် အထူ၊ ဆံပင်အညိုရောင်၊ အညိုရောင်မိတ်ကပ်၊ မျက်ခုံးသေးသေးစတဲ့ သူမရဲ့ ဆံပင်ပုံစံ၊ အ၀တ်အစားတွေက “ဂျပန်နိုင်ငံရဲ့ ယဉ်ကျေးမှု၊ ဖက်ရှင်၊ ” တွေဖြစ်ခဲ့တာကိုသူမရဲ့ ဓါတ်ပုံတွေကိုကြည့်ရင် အဲဒီခေတ်တွေကို မြင်ယောင်နိုင်ပါတယ်။ အာမုရိုပုံစံဒီဇိုင်းကိုပြင်ကြတာကိုလည်း ဂျပန်လို “အာ့မုရာ” လို့ပြောခဲ့ကြပါသေးတယ်။ တခုခုကိုပြုလုပ်သူကို အင်္ဂလိပ်လို အာမုရိုပုံစံဒီဇိုင်းကိုပြင်ကြတာကိုလည်း ဂျပန်လို “အာ့မုရာ” လို့ပြောခဲ့ကြပါသေးတယ်။ တခုခုကိုပြုလုပ်သူကို စာလုံးရဲ့ အနောက်မှာ အင်္ဂလိပ်လို “ er” အနောက်မှာပြောင်းပေးသလိုပေါ့။

အဲဒါအပြင် ခေတ်ကိုကိုယ်စားပြုတဲ့ ဂျပန်စကားဝေါဟာရသစ်များကိုလည်း ပေါ်ပေါက်စေနိုင်သူ” လို့သတ်မှတ်ခံရတဲ့ ဝေါဟာရတွေလည်းရှိပါသေးတယ်။

できちゃった結婚= dekichatta kekkon= dekikon =shotgun marriage

シングルマーザー =single mother

ဒါကြောင့်သူမကို  “ဂျပန်နိုင်ငံလူမှုဘ၀ရဲ့ သင်္ကေတ” လို့ သတ်မှတ်ခံရသူ တစ်ဦးလို့ဆိုကြတာပါ။

ဒီကနေ့ ၈၊၁၀၊၂၀၁၀………………

အင်တာနက်သတင်းမှာတော့ သူမနဲ့ မေတ္တာသက်ဝင်လျှက်ရှိနေခဲ့တဲ့ အနုပညာလောကထဲက ဟာသသရုပ်ဆောင်အဖြစ်နဲ့ကော ပျော်ရွှင်စရာ အစီအစဉ်တွေရဲ့ ကြေငြာသူအစီအစဉ်မှူးအဖြစ်ကော နံမည်ကျော်ကြားတဲ့ တာ့မုရာ အာဆုရှိ(၃၆နှစ်)နှစ်က “သူတို့အချစ်တခန်းရပ်သွားပါပြီ” ဆိုတဲ့အကြောင်းတီဗွီ အစီအစဉ်မှာ ထုတ်ဖေါ်ပြောကြားသွားပါတယ်။ 

အာ့မုရိုရဲ့ ဘ၀ဖြစ်စဉ်တွေဟာ သူလိုလူနှစ်ယောက်မရှိတဲ့ အောင်မြင်ကျော်ကြားလှပမှုတွေကို အကြိမ်ကြိမ်ရယူပြီး ထိပ်ဆုံးမှာရှိနေသလို ဘ၀အပြောင်းအလဲအဆစ်အချိုးအနိမ့်အမြင့်တွေကို လည်း၊ သမီးတစ်ယောက်၊ ဇနီးမယားတစ်ယောက်၊ မိခင်တစ်ယောက် ၊ ချစ်တတ်သော မိန်းမတစ်ယောက်အနေနဲ့ သူမရင်ထဲကခံစားမှုတွေကိုလည်းခန့်မှန်းနိုင်ပါတယ်။

ဒီပို့စ်ကို…………..

ကျွန်မက အာ့မုရိုကို သူမရဲ့ အနုပညာ၊ ဖက်ရှင်တွေနဲ့ပတ်သက်ရင် ကြိုက်နှစ်သက်လှပါတယ်။  သူမရဲ့ ပရိတ်သတ်တစ်ယောက်အနေနဲ့ သူမရဲ့ အကြောင်းမြန်မာလို အမှတ်တရအဖြစ်အောင် ရေးလိုက်တာပါ။ အပေါ်ယံသဘောမျှသာဖြစ်ပြီး ရေးသားရန်အချက်များစွာကျန်ရှိနိုင်ပါတယ်။ (အိပ်ငိုက်ပြီးရေးတဲ့အတွက်လည်းပါပါတယ်။)

း(~
နောက်ဆက်တွဲ

ပို့စ်တင်ပြီး သူငယ်ချင်းတစ်ယောက်က ဆက်သွယ်လာပါတယ်။

နံမည်က မေကန့်ကော်တဲ့။ 　　　　　　　　　　　　　　　　
သူက“ မမွန်ရေကျွန်မ အာ့မုရို နဲ့ ပတ်သက်ပြီးbbcနဲ့ ၂၀၁၀၊မေလ။
၂၃ရက်နေ့မှာ အင်တာဗျူးထားတာလင့်ပေးမယ်နော်” ဆိုပြီး 　　　　ပို့စ်တင်ပြီးနာရီဝက်အကြာမှာ ဆက်သွယ်လာပါတယ်။　　　　　　　
ကမ္ဘာ့ဂီတဆုဆိုတဲ့ခေါင်းစဉ်နဲ့ အသံဖိုင်မှာ 　　　　　　　　　　　　　၀၇.၁၅အချိန်အပိုင်းအထိကျော်နားထောင်ရင် ချက်ချင်းနားဆင်နိုင်ပါလိမ့်မယ်။အကုန်နားထောင်ရင်ပိုကောင်းပါတယ်။
http://www.bbc.co.uk/burmese/programmes/2010/05/100523_mobigenoworldmusic.shtm

ကိုးကား

http://ja.wikipedia.org/wiki/%E5%AE%89%E5%AE%A4%E5%A5%88%E7%BE%8E%E6%81%B5