ပြောင်းပြန်များ

နိုင်ငံနဲ့ လူမျိုးအလိုက် ယဉ်ကျေးမှုတွေလုပ်ပုံကိုင်ပုံတွေက တခါတလေမှာ (ကိုယ်နဲ့မတူတာ၊ အများနဲ့ ဆန့်ကျင်ဘက်ဖြစ်နေတဲ့) ပြောင်းပြန်ဖြစ်နေတာကို ကျွန်မလိုပဲ သတိထားမိကြမယ်ထင်ပါရဲ့။
ကျွန်မတို့ နိုင်ငံမှာကတော့ တခြားနိုင်ငံတွေနဲ့ မတူတဲ့ ပြောင်းပြန်တွေ နည်းနည်းရှိတာကို သတိရမိပါတယ်။ ဥပမာ၊ မော်တော်ကားလမ်းတွေ လက်ျာကပ်မောင်းတာတို့၊ မဲဆန္ဒပေးတဲ့အခါ မဲပေးချင်တဲ့လူကို အမှားခြစ်ရတာတို့ပေါ့။
ဒီပို့စ်မှာပြောချင်တဲ့ ပြောင်းပြန် ကတော့ ဂျပန်လူမျိုးတွေဟာ  ကျမတို့(အခြားအနောက်တိုင်းသားများနဲ့ကော မတူတာဖြစ်နေတဲ့ ) ချွတ်လိုက်တဲ့ဖိနပ်ကို ပြောင်းပြန်ပြန်လှည့်ထားတတ်တယ်ဆိုတာကိုပါ။
ဂျပန်လူမျိုးတွေကတော့ ဖိနပ်ချွတ်ပြီးရင် ချွတ်ပြီးသား ဖိနပ်ကို ပြောင်းပြန်ပြန်လှည့်ထားလေ့ရှိပါတယ်။

 ဂျပန်တွေရဲ့ အိမ်အ၀င်၊ ရုံး၊ ကျောင်း နဲ့ စားသောက်ဆိုင်တွေက ဖိနပ်ချွတ်ထားတဲ့ နေရာကို ကြည့်မယ်ဆိုရင် ပြောင်းပြန်ပြန်လှည့်ထားလေ့ ရှိတာကို သတိထားမိပါလိမ့်မယ်။

ဆိုကြပါစို့ အိမ်တစ်အိမ်ကို အလည်သွားတဲ့အခါမှာ ၊ အိမ်အ၀င် ဖိနပ်ချွတ်မှာ ၊ အ၀င်ဖိနပ်ချွတ် နှုတ်ဆက်ပုံနဲ့ ၊ ပြန်တဲ့အချိန် ဖိနပ်စီးပြီး နှုတ်ဆက်ပြန်ပုံကို ပုံစံတစ်ခုအနေနဲ့ ပြုလုပ်လေ့ ရှိကြပါတယ်။
　　
အိမ်အ၀င်မှာ နှုတ်ဆက်စကားဆိုပြီး ၊ အိမ်ရှင်ဘက်က အိမ်ထဲဝင်ဘို့ ကြိုဆိုတဲ့အခါ၊ 　　　　　　အိမ်ရှင်ဘက်ကို မျက်နှာမူရပ်နေရင်း ဖိနပ်ချွတ်ပါတယ်။ ဖိနပ်ချွတ်တဲ့အခါမှာ အတတ်နိုင်ဆုံး ဘေးကိုကပ်ပြီး ချွတ်ပါတယ်။ ဖိနပ်ချွတ်ပြီး အိမ်အပေါ်ဆင့်လေးကို တက်ပြီးကာမှ အိမ်ရှင်ထုတ်ပေးထားတဲ့ အခန်းတွင်းစီး ဖိနပ်ကို ပြောင်းစီးပါတယ်။
ပြီးမှ ချွတ်ထားတဲ့ဖိနပ်ကို လက်တစ်ဘက်နဲ့ (ပြန်တဲ့ အချိန် တစ်ခါတည်း တန်းစီးလို့ရတဲ့ ဘက်) ပြောင်းပြန် ပြန်လှည့်ပြီးထားပါတယ်။ အဲဒီလိုဖိနပ်ကို လှည့်တဲ့အချိန်မှာ အိမ်ရှင်ဘက်ကို ကျောခိုင်း ၊ ခါးကုန်း မလုပ်မိဘို့လိုပါတယ်။ အဲဒီလို အပြုအမူတွေက အိမ်ရှင်ဘက်ကို  အမြင်ရိုင်းစေတယ်လို့ ဆိုပါတယ်။ ဒါကြောင့် ခပ်စောင်းစောင်းအနေအထားနဲ့ ထိုင်ပြီးလှည့်သင့်ပါတယ်တဲ့။

အလားတူပါပဲ ပြန်တဲ့အချိန်မှာ လည်း ၊ အိမ်အ၀ကိုရောက်ရင် ကိုယ့်ဖိနပ်ကိုပြန်စီး၊ အခန်းတွင်းစီးဖိနပ်ကို ပြန်နေရာချ၊ နှုတ်ဆက်ပြီးပြန်ကြပါတယ်။

ဖိနပ်ကို အသင့် စီးလိုက်တဲ့အချိန်မှာ အိမ်ရှင်ကို နောက်ခိုင်းသလိုဖြစ်နေရာက အိမ်ရှင်ဘက်ကို ပြန်လှည့်ပြီး ကိုယ်ကိုကိုင်းပြီး နှုတ်ဆက်တဲ့ ပုံစံက ပိုပြီး တလေးတစားပြရာရောက်ပါတယ် တဲ့။
စားသောက်ဆိုင်တွေမှာကတော့ အများအားဖြင့် ဧည့်သည်က ဒီအတိုင်းချွတ်ထားခဲ့တဲ့ ဖိနပ်ကို စားသောက်ဆိုင်ဝန်ထမ်းများက ပြန်လှည့်ပြီး စီပေးတတ်ပါတယ်။

တဆက်တည်း ပြောချင်တဲ့ နောက်ပြောင်းပြန်တစ်မျိုးကတော့ ကားကို ဂိုထောင်ထဲ ကားတည့်သိမ်းရင်လည်း ထွက်မယ့်ဘက်ကိုကားခေါင်းလှည့်ပြီး သိမ်းကြပါတယ်။ ဘာကြောင့် ဒီလိုမျိုးတွေလုပ်ရတာလဲဆိုတာကိုစမ်းစစ်ကြည့်တော့ ဂျပန်လူမျိုးတွေဟာ နောက်ရှေ့ဆက်လုပ်မယ့်အရာတစ်ခုအတွက်ကြိုတင်ပြင်ဆင်တာလို့ သိရပါတယ်။ (ဒီနေရာမှာ ဂျပန်လို အခေါ်အဝေါ်နဲ့ ဆိုရိုးလည်းရှိပေမယ့် ဘာသာစကားနဲ့ ပတ်သက်နေတဲ့အတွက် ချန်လှပ်ခဲ့ပါရစေ)

ကိုရီးယားသူငယ်ချင်းတွေကပြောပါတယ် သူတို့နိုင်ငံမှာ အဲလိုဖိနပ်ပြောင်းပြန်ထားလိုက်ရင် ချက်ချင်းပြန်မယ်ဆိုတာကိုပြောတာလို့ ဆိုပါတယ်။

အလေ့အကျင့်မရှိတဲ့ နိုင်ငံခြားသားတွေအတွက် အထူးအဆန်းဖြစ်ရသလို ဂျပန်လူမျိုးတွေကိုယ်တိုင် ဒီအပြုအမူကို လေ့ကျင့်ယူကြတယ်ဆိုတာကို လည်း ပြောပါရစေ။ အလုပ်ဝင်မယ့်သူများ ၊မူဟန်ယဉ်ကျေးခြင်း အတတ် manner များကိုသင်ကြားသော နေရာများ၊ မိသားစုအတွင်း အဆုံးအမများအဖြစ်နဲ့လည်း စံနစ်တကျ သင်ယူလေ့ကျင့်ကြတာကို တွေ့ရပါတယ်။


ဂျပန်တို့ရဲ့ ဖိနပ်ချွတ်က ပြောင်းပြန်စီထားတဲ့ ဖိနပ်များကို ကြည့်ပြီး ၊ သူတို့ရဲ့ ယဉ်ကျေးမှုတွေဟာ အနုစိတ်ပြီး ရှေးရိုးကို ထိန်းသိမ်းနိုင်ကြတာကလည်း လက်ဆင့်ကမ်းလေ့ကျင့်မှုတို့ကြောင့်လည်း ဖြစ်မယ်ဆိုတာတွေးမိပါတယ်။

ကဲ၊ ကျွန်မတို့ကတော့ ရိုးရာလည်းမဟုတ်ယဉ်ကျေးမှုလည်းမဟုတ်တဲ့ ကိုယ်မဲပေးချင်တဲ့လူကို အမှား ခြစ်၊ ကိုယ်မကြိုက်တဲ့မဲမပေးချင်တဲ့ လူကို အမှန်ခြစ်တဲ့ (ရည်ရွယ်ချက်တမျိုးရှိပြီး၊ လက်ခံချင်စရာ အကြောင်းပြချက်မရှိတဲ့ ) ပြောင်းပြန် တွေကို လက်ဆင့်ကမ်းကြဦးမှာလားဆိုတာကိုတော့ ကျွန်မတို့ကိုယ်တိုင် ဆုံးဖြတ်နိုင်ကြရင် အကောင်းဆုံးပေါ့နော်။

ဓါတ်ပုံများကူးယူရာ
http://image-search.yahoo.co.jp/search?p